ՄԵՐ ՄԱՍԻՆ

Լիբանանի եւ սփիւռքի ազգային, քաղաքական եւ ընկերային առօրեան մեզ մղեց ստեղծել այլընտրանքային լրատուական կայքէջ մը, որ երեք լեզուներով (հայերէն, արաբերէն եւ անգլերէն) արագ տեղեկատուութիւն պիտի հաղորդէ Սփիւռքի եւ Հայաստանի ընթերցողներուն:

Yerepouni-news.com գրաւոր լուրերու, վերլուծական յօդուածներու ընդմէջէն կ’ընդգրկէ քաղաքական, տնտեսական, ընկերային, մշակութային, մարզական, գիտական նորութիւններ,վերլուծութիւններ, հարցազրոյցներ, համաշխարհային մամուլէն արձագանգներ: Կայքէջին հիմնական նպատակն է փոխանցել անաչառ, հաւասարակշռուած եւ համակողմանի լրատուութիւն: Անկաշկանդօրէն եւ առանց նախապաշարումներու մեկնաբանել ազգային, հայրենական համասփիւռքեան քաղաքական եւ ընկերային իրադարձութիւնները, ձեւաւորել ազատ եւ պատասխանատու խօսքի մշակոյթ:

Մեր նպատակն է հայ ընթերցողին փոխանցել հաւաստի, բազմակողմանի եւ առարկայական տեղեկատուութիւն՝ հիմնուելով լրատուական ցանցի այլ գործընկերներու փոխանցած տեղեկութիւններուն, աղբիւրներէ քաղուած հաղորդումներուն վրայ՝ յարգելով լրագրողի բարեխղճութիւնը եւ ապաւինելով՝ լրատուական պարկեշտութեան:

Yerepouni-news.com կը հաւատայ, որ հայապահպանումը դարձած է Սփիւռքի ամենահիմնական մտահոգութիւնը: Մենք կը հաւատանք, որ մեր ժողովուրդը պիտի կերտէ ժողովրդավար, զարգացած պետականութիւն, ազգային հզօր բանակ, ընկերային արդարութեան վրայ ձեւաւորուած հասարակութիւն, միասնական ու համադրուած ջանքերով անպայման պիտի վերատիրանայ կորսուած իր իրաւունքներուն:

Yerepouni-news.com պիտի դառնայ բոլորին գործընկերը եւ պիտի ծառայէ հայկական լրատուական դաշտը ընդլայնելու առաքելութեամբ:

 

 

2 Responses to ՄԵՐ ՄԱՍԻՆ

  1. George J. Mahroukian says:

    Harkeli yev badvarjan khempakroutyuon hatchoghoutyan lavakouyn maghtankneres,serpazan arakeloutyuon gue sadarek hatchoghutyoun!Ungueregan parevnerov George Mahroukian

  2. Պատուրժան Հայորդիներ, Բոլորին վարձքը կատար ըլլայ այս նուիրական գործին համար: Ջերմօրէն՝ Ռատիօ ԱՅԳ համացանցային ռատիօ հիմնադիր Շաքէ Մանկասարեան

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>