ՊԻՏ՛ ՉԻՄԱՆԱՆՔ ԱՆՑՆԻՆՔ ԵՐԹԱՆՔ

0
391
Illuminated christmas tree on the snow at night

Աստուածային արարչութեան,

Երեւոյթներուն խորհուրդները,

Անճառելի իմաստները,

Պիտ՛ չիմանանք,

Անցնինք երթանք։

 

Կեանքին՝

Մահուան ու բնութեան,

Պատուհասները, հրաշքները,

Խառնաշփոթ՝

Անլուծելի խնդիրները,

Անմեկնելի հանգոյցները,

Պիտ՛ չիմանանք,

Անցնինք երթանք։

 

Զարմանահրաշ՝

Անծայրածիր Տիեզերքին,

Անիմանալի ներդաշնակութեան,

Մեզ անծանօթ՝

Գիտելիքներու պատճառները,

Պիտ՛ չիմանանք,

Անցնինք երթանք։

 

Աստուածային հրաշքներուն՝

Անմահութեան,

Ժամանակին,

Ամենօրեայ՝

Պատահական լուռ ցաւերուն՝

Մարդը՝

Տանջող ու չարչարող հոգիներուն՝

Եղելութեան գաղտնիքները,

Պիտ՛ չիմանանք,

 

Անցնինք երթանք։

 

Այս բոլորը՝

Համայն մարդկանց,

Հետաքրքրող տառապեցնող,

Անպատասխան,

Խորհրդաւոր,

Մութ մնացած հարցումները՝

Բախտին ձգենք որոշումները։

 

Քանի որ կանք՝

Պէտք է ապրինք,

Աստուածային հրաշք կամքով,

Կեանքին տուած առիթներով,

Բարիքները վայելելով։

Այս բոլորը՝

Թող չիմանանք,

Անցնինք երթանք՝

 

ԶԱՒԷՆ Գ. ԳՐԻԳՈՐԵԱՆ

1997 – Աթէնք

 

 

 

LEAVE A REPLY

Please enter your comment!
Please enter your name here