Հայաստանի Նորընտիր Ազգային Ժողովի Առաջին Նիստը Տեղի Պիտի Ունենայ 14 Յունուարին

0
280

ԵՐԵՒԱՆ.- 9 Դեկտեմբերին կատարուած խորհրդարանական ընտրութիւններուն իբրեւ արդիւնք ձեւաւորուած նորընտիր Ազգային ժողովի առաջին նիստը տեղի պիտի ունենայ 14 Յունուարին, առաւօտեան ժամը 10-ին: Այս մասին, Ուրբաթ, 4 Յունուարին, Կեդրոնական ընտրական յանձնաժողովի (ԿԸՅ) նիստին յայտարարեց նոյն յանձնաժողովին նախագահը Տիգրան Մուկուչեան:

«Ղեկավարուելով «ՀՀ Ընտրական օրէնսգիրք» սահմանադրական օրէնքի 100-րդ յօդուածի 1-ին մասով, ինչպէս նաեւ «ԱԺ կանոնակարգ» սահմանադրական օրէնքի 32-րդ յօդուածի 2րդ մասով, համաձայն որուն ԱԺ արտահերթ ընտրութեան պարագային առաջին նստաշրջանը կը հրաւիրուի նորընտիր Ազգային ժողովի կազմաւորումէն ետք երկրորդ Երկուշաբթի օրը, ժամը 10-ին»:

Նշենք նաեւ, որ ԿԸՅ-ի Ուրբաթ օրուան նիստին կազմուեցաւ արձանագրութիւն, որմով բաշխուեցան իրաւագիրները խորհրդարանական երեք ուժերուն միջեւ:

Ըստ այդմ՝ Ազգային ժողովին մէջ մեծամասնութիւն պիտի կազմէ «Իմ Քայլը» դաշինքը, որ պիտի ունենայ 88 պատգամաւորներ, երկրորդը պիտի ըլլայ «Բարգաւաճ Հայաստան» խմբակցութիւնը՝ իր 26 պատգամաւորներով: Խորհրդարանական երրորդ եւ ինքզինք ընդդիմադիր հռչակած ուժը «Լուսաւոր Հայաստան»ն է, որ պիտի ունենայ 18 պատգամաւոր:

LEAVE A REPLY

Please enter your comment!
Please enter your name here