Հայաստանի Օդակայաններու Ուղեւորահոսքը Աճած է 11,9 Տոկոսով

0
239

Անցեալ տարի, Հայաստանի Հանրապետութեան երկու օդակայեաններուն՝ «Զուարթնոց»ի եւ «Շիրակ»ի, ուղեւորահոսքը կազմած է 2.856.673 ճամբորդներ, որ 11,9 տոկոսով կը գերազանցէ 2017-ի ցուցանիշը:

Ըստ «Արմէնիա Միջազգային Օդակայաններ» ընկերութեան փոխանցած տեղեկութիւններուն՝ 2018-ին, «Զուարթնոց»ի մէջ ուղեւորահոսքը աւելցած է 10 տոկոսով: 2017-ին, «Զուարթնոց» միջազգային օդակայանի ծառայութիւններէն օգտուած են 2.448.251 ուղեւորներ, իսկ 2018-ին այդ ցուցանիշը կը կազմէ 2.690.727 ուղեւորներ:

2018-ին, Գիւմրիի «Շիրակ» օդակայանին մէջ ուղեւորահոսքը կազմած է 165.946 ճամբորդներ, 2017-ի 105.664 ուղեւորահոսքին հետ համեմատած՝ աճը կազմած է 57 տոկոս:

Երկու օդակայաններուն մէջ, 2018-ի Յունուար-Դեկտեմբեր, նախորդ տարուան հետ համեմատած՝ 9,8 տոկոսով աճ արձանագրած են նաեւ թռիչք-վայրէջքները:

LEAVE A REPLY

Please enter your comment!
Please enter your name here