ՆՈՒԼԱՆՏ ԿԸ ԲԱՑԱՌԷ ՌԱԶՄԱԿԱՆ ՄԻՋԱՄՏՈՒԹԻՒՆԸ

Միացեալ Նահանգներու պետական  քարտուղարութեան խօսնակ  Վիքթորիա Նուլանտ բացառեց   Սուրիոյ դէմ ռազմական գործողութիւններու կարելիութիւնը:  Նուլանտ խոստացաւ ոչ ռազմական  օգնութիւն տրամադրել  Սուրիոյ ընդդիմութեան: «Մենք պարզ կերպով  կը հասկցնենք, թէ կը խօսինք միայն  մարդկային  օգնութիւններու մասին».յայտարարեց  ան:

  Միւս կողմէ, Սուրիոյ հարցով ՄԱԿ-ի յատուկ  ներկայացուցիչ Լախտար  Իպրահիմի  որոշեց իր աշխատավայրը Նիւ Եորքէն փոխադրել Գահիրէ, որպէսզի աւելի մօտէն հետեւի տարածաշրջանի զարգացումներուն:  Իպրահիմի  մտահոգութիւն յայտնեց, որ  Սուրիոյ  հակամարտութիւնը կրնայ տարածուիլ համայն  Միջին Արեւելքի մէջ:  Այլ գետնի վրայ,  ՄԱԿ-ի  ընդհանուր քարտուղարի  առաջին տեղակալ Իան  Իլիասոն  ժամանեց Քաթար:

  Իրանի նախագահ  Մահմուտ Ահմետինեճատ նշեց, թէ  Սուրիոյ  հակամարտութիւնը շատ  բարդ է եւ  կարեւոր: Ան ըսաւ, թէ  հակամարտութեան  լուծումը կը տեսնէ ազգային հաշտութեան եւ  ազատ  ընտրութիւններու մէջ: Ահմետինեճատ շեշտեց, թէ Իրան  չի միջամտեր այլ երկիրներու   ներքին գործերուն մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button