Ըստ ՄԱԿ-ի, 2050-ին Տարեցներու Թիւը Պիտի Կրկնապատկուի Հայաստանի Մէջ

 Միջազգային դասակարգումի մէջ Հայաստան կը գտնուի ծերացող երկիրներու շարքին։ Այդ մասին 1 Հոկտեմբերին կայացած մամլոյ ասուլիսին ընթացքին յայտնած է ՄԱԿ-ի բնակչութեան հիմնադրամի հայաստանեան գրասենեակի գործադիր ներկայացուցիչ Գարիկ Հայրապետեանը:
  Ներկայացնելով վիճակագրական տուեալները՝ ան նշած է, որ Հայաստանի վերաբերող տուեալները բաւական մտահոգիչ են. արդարեւ, կը նախատեսուի, որ մինչեւ 2050 թուական Հայաստանի մէջ բնակող տարեց բնակչութեան թիւը գրեթէ կրկնապատկուի՝ 469.000էն հասնելով 885.000ի, իսկ միջին տարիքը ներկայի 49.4-ի փոխարէն պիտի ըլլայ 32.6։ Այս բոլորը կրնան ընկերային–տնտեսական լուրջ հետեւանքներ ունենալ՝ պետութեան ուսերուն դնելով հսկայական պատասխանատուութիւն, դիտել տուած է Հայրապետեան:
Անդրադառնալով Հայաստանի ծերացման հիմնախնդիրներու լուծման՝ Հայաստանի աշխատանքի եւ ընկերային հարցերու նախարարի տեղակալ ճեմմա Բաղդասարեան նշած է, որ Հայաստանի կառավարութիւնը վերջերս համաձայնութիւն տուած է «Բնակչութեան ծերացման հետեւանքներից բխող հիմնախնդիրների լուծման եւ տարեցների սոցիալական պաշտպանութեան ու ռազմավարութեան իրականացման 2012-2016 թուականների գործողութեան ծրագրին»:
   Ան յայտնած է, որ Հայաստանի մէջ տարեց կը նկատուին 63-ը ամբողջացուցած անձերը, բայց անոնցմէ շատեր տակաւին ունին աշխատելու փափաք եւ կարողութիւն, նաեւ կայ այն իրողութիւնը, որ կարգ մը արհեստներու կը տիրապետեն միայն երէցները, ուստի անհրաժեշտ է զանոնք ներգրաւել այդ գործին մէջ, քանի որ անոնք արհեստին գաղտնիքներն ու իրենց փորձառութիւնը պիտի փոխանցեն երիտասարդներուն։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button