ՌՈՒՍԻԱ ԿԸ ՄԵԿՆԱԲԱՆԷ ԹՈՒՐՔ-ՍՈՒՐԻԱԿԱՆ ՍԱՀՄԱՆԻՆ ՄԻՋԱԴԷՊԸ

 Ռուսիոյ արտաքին գործոց նախարար Սերկէյ Լավրով կարեւոր նկատեց, որ Սուրիա ստանձնէ Թուրքիոյ սահմանին վրայ  պատահած միջադէպին  պատասխանատուութիւնը: Լավրով նշեց, թէ «Իրենք Սուրիոյ մօտ  Ռուսիոյ դեսպանին միջոցաւ  բանակցութիւններ կը վարեն Սուրիոյ իշխանութիւններուն հետ: Լավրով  ըսաւ, թէ սուրիական իշխանութիւնները խոստովանած են  թրքական  սահմանագծին վրայ  տեղի ունեցած միջադէպը, դժբախտ պատահականութեան մը հետեւանքը ըլլալու իրողութիւնը: «Նման դէպք յետ այսու  չի կրկնուիր».հաւաստեց Ռուսիոյ արտաքին գործոց նախարարը: Լավրով պահանջեց, որ Դամասկոս պաշտօնական յայտարարութիւն մը կատարէ այս մասին:

Նշենք, թէ  3 Հոկտեմբերին, Թուրքիոյ Աքչալէ բնակավայրը ռմբակոծութեան ենթարկուեցաւ Սուրիոյ տարածքէն, որուն  հետեւանքով սպաննուեցան հինգ թուրքեր: Թրքական կողմը անմիջապէս արձակեց պատասխան կրակ, սպաննելով 34 սուրիացիներ:

   Աքչալէի միջադէպին վերաբերեալ Թուրքիոյ կառավարութիւնը վարչապետ  Ռեճէպ Թայիփ Էրտողանի գլխաւորութեամբ գումարեց ընդլայնուած նիստ եւ սպառնաց  նման գործողութիւններու կրկնութեան պարագային, ներխուժել սուրիական հողերէն ներս:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>