ՀԱՅԱՍՏԱՆԻ ԱՐՏԱՔԻՆ ԳՈՐԾՈՑ ՆԱԽԱՐԱՐՈՒԹԵԱՆ ՇԷՆՔԸ ՊԻՏԻ ԴԱՌՆԱՅ ՊԱՆԴՈԿ

ՀՀ կառավարութեան այսօրուան նիստին ընդունած որոշմամբ` “Հայաստանի Հանրապետութեան կառավարութեան աշխատակազմ” պետական կառավարչական հիմնարկին ամրացած` Երեւան քաղաքի Կառավարական թիւ 2 մասնաշէնք հասցէին վրայ գտնուող 14,241.9 քառ. մեթր մակերեսով շէնք, շինութիւնները եւ անոնց սպասարկման ու օգտագործման համար յատկացուած հողամասի պետական բաժնեմասը ուղղակի վաճառքի ձեւով պիտի օտարուի “Տանգո” փակ բաժնետիրական ընկերութեան: Այս մասին կը տեղեկացնէ Panorama.am-ը:

Նշենք, որ Կառավարական թիւ 2 մասնաշէնք հասցէին կը գտնուի ՀՀ արտաքին գործոց նախարարութիւնը:

Այսպիսով, գոյքի վաճառքի գինի մէկ մասին դիմաց գնորդը պարտաւոր է մինչեւ 1 Սեպտեմբեր 2015 պետութեան յանձնել Հայաստանի Հանրապետութեան կառավարութեան 19 Յուլիս 2012-ի N916-ա որոշմամբ օտարուող գոյքի սեփականատէր եւ գնորդի դուստր հանդիսացող` “Սալսա Դիւելոփմենթ” ընկերութեան 100 տոկոս բաժնետոմսերը` անուանական արժէքով, որուն հաշուեկշիռին պիտի ըլլայ ք.Երեւան Վ.Սարգսեան 3 հասցէին գտնուող 0.5081 հա հողամասը, վրան կառուցուած շէնքը աւարտած վիճակով:

“Չենք լռելու”-ի երիտասարդական նախաձեռնութիւնը այսօր յայտարարութիւն տարածած է ԱԳՆ շէնքը վաճառելուն վերաբերեալ, որուն մէջ մասնաւորապէս կը նշուի. “Կառավարութիւնը այսօրուան նիստին որոշում ընդունած է վաճառել Հանրապետութեան հրապարակին վրայ գտնուող Արտաքին գործոց նախարարութեան շէնքը ոմն “Տանգո” ՓԲԸ-ին: Ճարտարապետական բացառիկ յուշարձան եւ Հայաստանի խորհրդանիշերէն մէկը համարուող շէնքը պիտի վաճառուի ընդամէնը 51 միլիոն տոլարով: Ըստ մամուլի հրապարակումներուն` ԱԳՆ-ն պիտի դառնայ հիւրանոց:

“Չենք լռելու” երիտասարդական նախաձեռնութիւնը խիստ կը դատապարտէ այս քայլը: Վաճառելով Հայաստանի տնտեսութիւնը` հայրենի իշխանութիւնները արդէն անցած են պետական եւ ազգային արժէքները հոթելներ դարձնելուն: Շատ աւելի հաւանական է, որ ԱՄՆ-ն պատերազմ սկսի որեւէ երկրի մէջ, քան հիւրանոցի տակ ծախէ Պետական բաժանմունքը:

“Ամենացաւալին այն է, որ ասիկա տեղի կ’ունենայ դիպաշարերով տարուած հասարակութեան մեծամասնութեան քար լռութեան պայմաններուն տակ”:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>