ԳԵՐՄԱՆԻՈՅ ՀԱՅԵՐԸ ՁԱԽՈՂՈՒԹԵԱՆ ԿԸ ՄԱՏՆԵՆ ՀՐԱՊԱՐԱԿ ՄԸ «ՓՈՔՐ ԻՍԹԱՆՊՈՒԼ» ԱՆՈՒԱՆԵԼՈՒ ՓՈՐՁԵՐԸ

 Գերմանիոյ Պատէն-Վիւրթեմպըրկ երկրամասի Մաննհայմ քաղաքի թուրքերով բնակուած զանգուած մը պաշտօնապէս “Փոքրիկ Իսթանպուլ” կամ “թուրքական հրապարակ” անուանելու թրքական ջանքերը ձախողած են: Գերմանահայոց կեդրոնական խորհուրդի եւ գաղթականութեան այլ կազմակերպութիւններու բազմակողմանի քայլերը տուած են իրենց արդիւնքը:

Գերմանահայոց կեդրոնական խորհուրդի նախագահ Ազատ Օրտուխանեան` այս մասին խորհուրդի մտահոգութիւնները արտայայտող նամակին պատասխանին մէջ հաստատած է Մաննհայմի քաղաքապետ Փեթըր Քուրց:

Յիշեցնենք, որ Գերմանահայերու կեդրոնական խորհուրդը նամակ յղած էր Գերմանիոյ Մաննհայմ քաղաքի քաղաքապետ Փեթըր Քուրցին` պահանջելով պարզաբանում, թէ որքան ճիշդ են այն տեղեկութիւնները, որ քաղաքի մէկ հատուածը, ուր թուրք վաճառականները աշխոյժ առեւտուր կազմակերպած են, պաշտօնապէս պիտի վերանուանուի “Թրքական զանգուած”:

Գերմանահայերու կեդրոնական խորհուրդի նախագահ Ազատ Օրտուխանեանի տեղեկացմամբ` նամակին մէջ Մաննհայմի քաղաքապետին ի գիտութիւն նշուած էր, որ ոչ միայն Գերմանիոյ հայերը, այլեւ այլ էթնիկ կրօնական խումբեր, ինչպէս քիւրտերը, եզտիները, յոյները, ասորիները, լրջօրէն մտահոգուած են հնարաւոր այդ փոփոխութեամբ:

“Եթէ նման ծրագիր պէտք է իրականացուի` դուք պէտք է նկատի ունենաք մեր կազմակերպութիւններուն ընդհանուր բողոքը: Աւելի լաւ պիտի ըլլար, եթէ դուք վերջնական որոշումէն առաջ դիտարկէիք մեր այլընտրանքային առաջարկները: Մենք պարզապէս չենք կրնար պատկերացնել, որ այնպիսի քաղաք մը, ինչպիսին Մաննհայմն է, արտասահմանեան ծագումով իր բնակիչներուն հանդէպ նման չմտածուած ձեռնարկ թոյլ տայ”,- ըսուած է յայտարարութեան մէջ:

ԳԿԽ-ն իր նամակին մէջ ակնկալած էր քաղաքապետի արագ արձագանգը` հիմնուելիք “Փոքրիկ Սթամպուլ”-ի վերաբերեալ արտայայտուած մտահոգութիւններուն վերաբերեալ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>