ՆԱԽԱԳԱՀ ՍԱՀԱԿԵԱՆ ԿԸ ՇՆՈՐՀԱՒՈՐԷ ՈՒՍՈՒՑԻՉՆԵՐԸ

 Ուսուցիչի օրուան առիթով այսօր շնորհաւորական ուղերձ յղած է Արցախի Հանրապետութեան նախագահ Բակօ Սահակեան: Այս մասին կը տեղեկանանք ԼՂՀ նախագահի պաշտօնական կայքէն: Նախագահը ուսուցիչներուն մաղթած է առողջութիւն, երջանկութիւն, բեղմնաւոր աշխատանք:

«Սիրելի ուսուցիչներ,

Արցախի Հանրապետութեան իշխանութիւններուն եւ անձամբ իմ անունով ի սրտէ կը շնորհաւորեմ ձեզ մասնագիտական տօնին առիթով:

Ասիկա տօն է մեր ողջ ժողովուրդին համար, քանի որ դժուար է գերագնահատել ձեր դերը մատաղ սերունդի կրթութեան, անոր հայեցի դաստիարակութեան ու ազգապահպանման գործին մէջ: Եւ ամենեւին ալ պատահական չէ, որ ուսուցիչի աշխատանքը միշտ մեծ յարգանք վայելած է Արցախի մէջ:

Այսօր ալ կրթութիւնը կը հանդիսանայ մեր հանրապետութեան զարգացման առանցքային ուղղութիւններէն մէկը, առանց որուն անհնար պիտի ըլլայ արժանի տեղ զբաղցնել ժամանակակից աշխարհի մէջ:

ԼՂՀ իշխանութիւնները այսուհետեւ ալ պիտի ընեն հնարաւորը` ոլորտին մէջ առկայ խնդիրները ժամանակին ու արդիւնաւէտ կերպով լուծելու ուղղութեամբ: Վստահ եղէք` այդ գործընթացը պիտի կրէ շարունակական բնոյթ:

Թանկագին բարեկամներ,
անգամ մը եւս կը շնորհաւորեմ բոլորդ եւ կը մաղթեմ քաջառողջութիւն, երջանկութիւն, բեղմնաւոր աշխատանք ու ամենայն բարիք»,- ըսուած է ուղերձին մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button