ԵՐԿՈՒ ՀԱՅԵՐ ԶՈՀՈՒԱԾ ՀԱԼԷՊԻ ՄԷՋ

 Հալէպի հայաշատ թաղամասերէն Նոր Գիւղը Հոկտեմբեր 4-ի ուշ Ժամերուն անգամ մը եւս դարձած հրասանդի հրթիռներու թատերաբեմ` ահ ու սարսափի մատնելով բնակիչները եւ պատճառ դառնալով կարգ մը բնակարաններու տարբեր աստիճանի վնասներու: Այս մասին կը հաղորդէ Բերիոյ Թեմի տեղեկատուական ծառայութիւնը:

Առաջին հրթիռը ինկած է Ազգ. Զաւարեանի թատերասրահին թաղի շէնքի մը տանիքը` յառաջացնելով հրդեհ, որուն տարածման առաջքը առած են շտապ օգնութեան հայ տղաքը:

Երկրորդ հրթիռը ինկած է Քարէն Եփփէ Ազգ. Ճեմարանի դիմացի թաղը գտնուող Զէյթունի հայրենակցական միութեան շէնքին դիմացը, որուն զոհ գացած են Պարսում Պարսումեան, Յասմիկ Տէր Ներսէսեան-Կիրակոսեան: Արձանագրուած է նաեւ մէկ ծանր վիրաւոր՝ Գէորգ Այվազեան: Իսկ թեթեւ վիրաւորուած` հինգ հայ, որոնց օգնութեան հասած են Սուրիահայ շտապ օգնութեան Հալէպի մարմինի մեր տղաքը:

«Նշենք, թէ Սուրիահայ շտապ օգնութեան Հալէպի մարմինի տղաքը կը հասնին օգնութեան, ուր որ պէտք է: Մարմինը իր ներհամայնքային եւ միջյարանուանական դրուածքով կը փորձէ հասնիլ հոն, ուր կարիք կայ: Տղաքը կը նպաստեն վտանգուած շրջաններէն իրենց ազգակիցներուն անվտանգ դուրս բերման»,- կը նշուի Բերիոյ թեմի տեղեկատուական ծառայութեան տարածած լուրին մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>