ՀԱԼԷՊԻ ՏՆՏԵՍԱԿԱՆ ԿԱՑՈՒԹԻՒՆԸ ԵՒ ՀԱԼԷՊԱՀԱՅՈՒԹԵԱՆ ՄՕՏԵՑՈՒՄԸ

 Հալէպի հայկական համայնքի շրջանակէն ներս տնտեսական տագնապ սկսած է: Հայ առաքելական եկեղեցւոյ Բերիոյ թեմի առաջնորդարանի բանբեր Ժիրայր Ռէյիսեան ՙԱզատութիւն՚ ձայնասփիւռի կայանին փոխանցած է, որ թէեւ դեռ սով չկայ, բայց ներկայ վիճակը կը տանի աղքատութեան:

Իրավիճակը հայաշատ այդ քաղաքի մէջ փոփոխուեց ամրան սկիզբը, երբ Սուրիոյ կառավարութեան ու ընդդիմութեան ուժերուն միջեւ մարտերը տեղափոխուեցան Հալէպ: Մինչ այդ հալէպահայերը կ’ապրէին համեմատաբար խաղաղ կեանքով, եւ, ինչպէս Ռէյիսեան կը յայտնէ, իրենք ՙուղղակիօրէն այդ տագնապի պահը չէին ապրեր, իսկ այդ քաղաքի մէջ սկսած բախումներուն հետեւանքով, արդէն յայտնուած են տնտեսական ծանր կացութեան մէջ՚: Անոր կը պատճառ կը հանդիսանայ նաեւ այն, որ երկրի մէջ երկար ամիսներէ ի վեր աշխատատեղերը, խանութները փակ են:

ՙԲազմաթիւ աշխատանքային շրջաններ փակ են: Երբ եկամուտ չկայ եւ բարձր գիներ են, այդ պարագային շատերը տնտեսական դժուարութեան առջեւ կը կանգնին, – կ’ըսէ Ռէյիսեան:

Հայերուն նիւթապէս աջակցելու ծրագիրը կը համակարգէ Սուրիահայութեան միացեալ արտակարգ իրավիճակներուն շտապօգնութեան մարմինը, որ ստեղծուած է անցեալ ամիսներուն Հալէպի մէջ երեք կրօնական համայնքներուն` Հայ առաքելական, Կաթոլիկ եւ Աւետարանական եկեղեցիներու ներկայացուցիչներուն ջանքերով: Տարբեր կազմակերպութիւններու միջոցով Հալէպ ուղարկուած դրամական օգնութիւններուն միջոցով առնուած է սնունդ, որ մինչ օրս կը բաշխուի անապահով ընտանիքներուն:

Սուրիահայերուն աջակցելու համար Հայաստանի մէջ ստեղծուած ՙՕգնիր եղբօրդ՚ հասարակական շարժումը դեռ չի կրնար հաւաքուած մարդասիրական օգնութիւն ուղարկել Սուրիա, քանի որ հայաստանեան ապահովագրական ընկերութիւնները մի քանի անգամ սղցուցած են բեռները ապահովագրելու վճարները:

Ժիրայր Ռէյիսեան կ’ըսէ, որ հաւաքուած գումարներով իրենք կը փորձեն հնարաւորինս աջակցիլ սնունդի խնդիր ունեցող ընտանիքներուն, ինչպէս նաեւ օգնութիւն ցուցաբերել վնասուած տուներու նորոգման եւ մարդոց բուժման ծախսերը հոգալու հարցերուն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>