ԵԱԿԼԱՆՏ Կ’ԱՆԴՐԱԴԱՌՆԱՅ ԵԽԽՎ ՊԱՏՈՒԻՐԱԿՆԵՐ ԿԱՇԱՌԵԼՈՒ ԱՏՐՊԷՅՃԱՆԻ ԽԱՂԵՐՈՒՆ ՄԱՍԻՆ

 ԵԽԽՎ գլխաւոր քարտուղար Թորպէորն Եակլանտ` պատասխանելով լրագրողներու հարցերուն` անդրադրաձած է նաեւ Ատրպէյճանի կողմէ ԵԽԽՎ պատուիրակները սեւ խաւիարով կաշառելու մասին տեղեկատւութեան: Այս մասին կը հաղորդէ “Թուրան” գործակալութիւնը:

”Եթէ պարզուի, որ ԵԽԽՎ Ատրպէյճանի պատուիրակներուն կողմէ իրենց գործընկերները սեւ խաւիարով կաշառելու տեղեկութիւնները կը համապատասխանեն իրականութեան` ատիկա բացարձակապէս անընդունելի է”,- ըսած է գլխաւոր քարտուղարը:

Թորպէորն նշած է, թէ խորհրդարանը եւ անոր անդամները պէտք է ըլլան անկախ, ինքնավար եւ գործեն կազմակերպութեան անունով, պաշտպանելով անոր արժէքներն ու չաւանիշները:

Անդրադառնալով նմանօրինակ դէպքերու հետքննութեան հնարաւորութիւններուն` գլխաւոր քարտուղարը յայտարարած է, թէ ինքը իրաւասութիւն չունի միջամտելու ԵԽԽՎ գործունէութեան, քանի որ վերջինս անկախ կառոյց է:

Ըստ “Թուրան”-ի` այս ամառ ԵԽԽՎ քանի մը պատուիրակ պատրաստած էին զեկոյց մը, որուն մէջ տեղ գտած էր ատրպէյճանցի պատուիրակներու կողմէ ԵԽԽՎ ներկայացուցիչները կաշառելուն վերաբերեալ փաստեր:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL