ՀԱՅՈՑ ԴԷՄ ԳՈՐԾՈՒԱԾ ՑԵՂԱՍՊԱՆՈՒԹԵԱՆ ՀԱՐԻՒՐԱՄԵԱԿԻՆ ՆՈՒԻՐՈՒԱԾ ՆՇԱՆԱԿԻ ՄՐՑՈՅԹ

 Հայոց Ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողովը կը յայտարարէ Հայոց Ցեղասպանութեան 100-րդ տարելիցին նուիրուած նշանակի (logo) մրցոյթ: Այս մասին կը հաղորդէ յանձնաժողովը` մանրամասնելով, որ մրցոյթին ընթացքին ներկայացուած աշխատանքները պէտք է բաւարարեն հետեւեալ պահանջները.

• արտայայտեն Հայոց Ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողովի գործունէութեան նպատակը եւ առաքելութիւնը,
• ունենան պարզ լուծումներ եւ դիպուկ կարգախօս:

Նախագիծերը պէտք է ներկայացուին էսքիզի տեսքով` A4 թուղթի չափով, ստուարաթուղթի վրայ, երկու տարբերակով` մոնոխրոմ եւ գունաւոր, ինչպէս նաեւ ելեկտրոնային տարբերակով:

Լաւագոյն աշխատանքներուն համար սահմանուած են գլխաւոր մէկ մրցանակ` 500.000 դրամի եւ երկու խրախուսական մրցանակ` 250.000-ական դրամի չափով:
Յայտերը պէտք է ներկայացուին մինչեւ Դեկտեմբեր 1` Երեւան 0028, Ծիծեռնակաբերդի յուշահամալիր, Հայոց Ցեղապանութեան թանգարան-հիմնարկի հասցէով:

Մանրամասներուն համար զանգահարել` 39-09-81 հեռաձայնային համարով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL