ՀԱՅԱՍՏԱՆԻ 1400 ԴՊՐՈՑՆԵՐԷՆ 300-Ը ՎԵՐԱՆՈՐՈԳՄԱՆ ԿԱՐԻՔ ՈՒՆԻ

Հանրապետութեան 1400 դպրոցէն 300-ը հիմնական վերանորոգման կարիք ունին: Այս մասին` ըստ Panorama.am-ի` այսօր Ջերմուկի մէջ մեկնարկած Գիւղական համայնքներու երկրորդ համաժողովին յայտարարած է ՀՀ վարչապետ Տիգրան Սարգսեան` անդրադառնալով դպրոցաշինութեան խնդիրներուն:

Վարչապետի խօսքով` պետական պիւտճէով կրնան տարեկան 59 դպրոցի ֆինանսաւորում ապահովել, սակայն անոնց վերանորոգումը եւս չեն կրնար աւարտին հասցնել: Իբրեւ արդիւնք, տակաւին շատ են այն դպրոցները, ուր շինարարական աշխատանքները սկսած են, սակայն մէկ տարուան կտրուածքով չեն կրնար աւարտին հասցնել:

“Սա լրջագոյն խնդիր է”,- ըսած է վարչապետը: Ան նշած է, որ կընախատեսուի Համաշխարհային դրամատան, ԵՄ-ի հետ նուիրատու երկիրներու մասնակցութեամբ կազմակերպել խորհրդաժողով մը, որուն ժամանակ պիտի ներկայացուի բարեփոխումներու, ենթակառուցուածքներու զարցագման ուղղուած փաթեթ` 300 դպրոցներու վերականգման աշխատանքներուն համար նիւթական միջոցներ հայթհայթելու նպատակով:

“Հակառակ դէպքում, երկար տարիներ ի վիճակի չենք լինի լուծելու այդ խնդիրը, եթէ մեծածաւալ ֆինանսական միջոցներ չյատկացնենք դպրոցաշինութեանը”,- ըսած է Տ. Սարգսեան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL