ՆԱԽԱԳԱՀ ՍԱՐԳՍԵԱՆ Կ’ԸՆԴՈՒՆԻ ՎՈԼՖԿԱՆԿ ՊԵՈՐՆԶԷՆԸ

ՀՀ նախագահ Սերժ Սարգսեան այսօր ընդունած է Գերմանիոյ Դաշնային Հանրապետութեան Պունտըսթագի “Գերմանիա-Հարաւային Կովկաս” խորհրդարանական խումբի նախագահ Վոլֆկանկ Պեորնզէնը: Այս մասին կը հաղորդէ ՀՀ նախագահի աշխատակազմի լրատուական ծառայթիւնը:

Հանրապետութեան ղեկավարը կարեւոր համարած է խորհրդարանական ձեւաչափով այցելութիւնները` իբրեւ բարեկամ երկիրներու եւ ժողովուրդներու միջեւ փոխճանաչողութեան բարձրացման ու բարեկամութեան ամրապնդման ուղղուած քայլ:

Նման այցելութիւնները, նախագահի համոզմամբ, կը նպաստեն նաեւ միջազգային ասպարէզի մէջ Հարաւային Կովկասի մասին օրինական իրազեկուածութեան մակարդակի բարձրացման:

Հանդիպման ընթացքին երկուստէք ընդգծուած է, որ հայ-գերմանական քաղաքական երկխօսութիւնը եւ բազմաբնոյթ համագործակցութիւնը կը ստեղծեն երկկողմ յարաբերութիւնները շարունակաբար զարգացնելու լայն հնարաւորութիւններ:

Պունտըսթագի “Գերմանիա-Հարաւային Կովկաս” խորհրդարանական խումբի նախագահ Վոլֆկանկ Պեորնզէն նշած է, որ իր գործընկերներուն հետ այսուհետեւ եւս ջանքեր պիտի գործադրէ ամենատարբեր ոլորտներու մէջ Հայաստանի եւ Գերմանիոյ միջեւ փոխգործակցութիւնը խթանելու եւ Հայաստանի զարգացման նպաստելու ուղղութեամբ:

Զրուցակիցները մտքեր փոխանակած են նաեւ տարածաշրջանային խնդիրներու եւ մարտահրաւէրներու շուրջ:

Կարդացէք նաև

ԼՂ Հակամարտութիւնը Պէտք է Կարգաւորուի Խաղաղ Ճանապարհով. ԱՄՆ Պետական Քարտուղարի Տեղակալ
ՍԸԼԷՅՄԱՆ՝ ԺՈՂՈՎՐԴԱՎԱՐՈՒԹԻՒՆԸ ԱՌԱՆՑ ՊԱՂԵՍՏԻՆԻ ԺՈՂՈՎՈՒՐԴԻՆ ԻՐԱՒՈՒՆՔՆԵՐՈՒՆ ՊԱՇՏՊԱՆՈՒԹԵԱՆ ԹԵՐԻ ՊԻՏԻ ...
ՄԻՔԱԹԻ ՆԻՍՏԻ ՊԻՏԻ ՀՐԱՒԻՐԷ ՀՐԱԺԱՐԵԱԼ ԿԱՌԱՎԱՐՈՒԹԻՒՆԸ, ԵԹԷ...
Համահայկական Խորհուրդի Ձեւաւորման Համար Կը Նախատեսուի Մշակել Ուղղորդիչ Հայեցակարգային Մօտեցումներ
Հայ Դատը Քոնկրեսի Յանձնախումբերուն Ներկայացուցած Է Հայաստանի Եւ Արցախի Օգնութեան Ծրագիրը

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>