ԼՐԱԳՐՈՂՆԵՐՈՒ ՀԱՄԱՀԱՅԿԱԿԱՆ 6-ՐԴ ՀԱՄԱԳՈՒՄԱՐԸ ՀԱՍԱՒ ԻՐ ԱՒԱՐՏԻՆ

 ՀՀ Սփիւռքի նախարարութեան կազմակերպած լրագրողներու համահայկական 6-րդ համաժողովը, որ կը կայանար Աղաւնաձորի մէջ, հասաւ իր աւարտին։

Համաժողովին ընթացքին գլխաւոր եւ տարբեր մրցանակներու արժանացան
Չեխիոյ “Օրեր”
Պոլսոյ “Մարմարա”
Լիբանանի “Խօսնակ” պարբերականները

ինչպէս նաեւ
Իրանի “Ալիք”
Լիբանանի “Զարթօնք”
Քանատայի “Հորիզոն”
Քանատայի “Թորոնթօ”
ԱՄՆ-ի Կաքաւիկ մանակական Հանդէսը
ԱՄՆ-ի Armenian tv-ն

Համաժողովին վերջին նիստը բացուեցաւ առաւօտեան ժամը 10:00-ին: Եզրափակիչ ելոյթներու եւ շնորհակալական խօսքերու ընթացքին՝ ԵՌԱԳՈՅՆ-ի խմբագիր Նայիրի Մկրտիչեան շնորհակալութիւն յայտնեց Սփիւռքի նախարարութեան, որ ընդամէնը երկու շաբթուան կեանք ունենալով հանդերձ արժանացաւ նախարարութեան հրաւէրին։

Ժողովի եզրափակիչ խօսքը արտասանեց ՀՀ Սփիւռքի նախարար Հարնոյշ Յակոբեան, որ համաժողովը նախ գնահատեց պատմական, որովհետեւ Ցեղասպանութեան 100-ամեակի նախաշեմին ամբողջ աշխարհէն հայ լրագրողները հաւաքուած են եւ կ’ըսեն մենք միասին ենք, համաժողովը նաեւ քաղաքական է, “որովհետեւ պատկերացնում էք թէ հիմա ինչ է կատարւում Թուրքիայում… հայ լրագրողները հաւաքուել են ու խօսում են Ցեղասպանութեան մասին”, համաժողովը նաեւ բարոյական է, “որովհետեւ մենք եկել ենք մեր բարոյական պարտքը կատարելու, նաեւ ազգային է, որովհետեւ մենք ազգի մտաւորականներն ենք, նաեւ հայրենասիրական է, որովհետեւ համոզուած եմ, որ հայրենասիրական մղումներից ենք եկել… Ուրեմն պէտք է եւ տեղին էր այս համաժողովը”,- ըսաւ նախարար Յակոբեան։

Նախարարի խօսքին աւարտէն ետք` Լիբանանի “Ազդակ” օրաթերթի խմբագիր` համաժողովի կազմակերպիչ յանձնախումբի ներկայացուցիչ Շահան Գանտահարեան կարդաց լրագրողներու համահայկական 6-րդ համաժողովի մասնակիցներուն յայտարարութիւնը։

Համաժողովին մասնակից լրագրողներու խումբը այժմ կ’ուղղուի ՀՀ պաշտպանութեան նախարարութիւն։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button