ԱՆՀՐԱԺԵՇՏ Է ՃԻՇԴ ՕԳՏԱԳՈՐԾԵԼ ՀԱՅ ԼՐԱԳՐՈՂԱԿԱՆ ՄՏՔԻ ՆԵՐՈՒԺԸ

 ՀՀ սփիւռքի նախարարութեան նախաձեռնութեամբ իրականացուող լրագրողներու համահայկական 6-րդ համաժողովին ծիրէն ներս` Հայաստան ժամանած էին Սփիւռքի հեղինակաւոր հայ մամուլի շուրջ 90 ներկայացուցիչներ: Այս մասին կը յայտնէ նախարարութեան տեղեկատւութեան եւ հեռահաղորդակցութեան վարչութիւնը:

Համաժողովին 2-րդ օրը ներկայացուած են թրքական եւ ատրպէյճանական մամուլի հակահայկական ծանուցումին դիմագրաւման առնչուող հարցեր: Քննարկուած են այն մարտահրաւէրները, որոնք կը սպառնան Հայկական Հարցին, Հայոց Ցեղասպանութեան վերաբերող տեղեկատւութիւնը միջազգային հանրութեան ներկայացնելու գործին:

Մասնակիցներու կարծիքով` անհրաժեշտ է ճիշդ օգտագործել աշխարհասփիւռ հայ լրագրողական մտքի ներուժը` լաւագոյնս ներկայացնելու 20-րդ դարու առաջին Ցեղասպանութեան ճանաչման եւ դատապարտման հիմնահարցը:

Կարծիքներ հնչած են, որ արդիական խնդիր է զուտ տեղեկատուական բնոյթի յօդուածները վերլուծական հաւաստի փաստերով յագեցած նիւթերով փոխարինելը: Անհրաժեշտ է օգտագործել հեղինակաւոր գիտնականներու ուսումնասիրութիւնները, տեսակէտները, արդէն իսկ յայտնի փաստերը:

Կարեւոր համարուած է նաեւ համացանցի հնարաւորութիւնները ճիշդ օգտագործելու հարցը: Ներկայացուած են եղանակներ, որոնք յատկապէս Հայոց Ցեղասպանութեան, ինչպէս նաեւ Հայսաստանի մասին տեղեկատւութիւնն ու յօդուածները առաւել մատչելի պիտի դարձնեն որոնողական համակարգերուն մէջ` հասանելի դառնալով առաւել լայն հանրութեան:

Համաժողովին մասնակիցները Ցեղասպանութեան վերաբերող տեղեկատւութեան հասանելիութիւնը եւ տարածման հնարաւորութիւնները դիտարկած են տարբեր երկիրներու օրինակներով` հաշուի առնելով տարբեր երկիրներու մշակութային եւ հասարակական առանձնայատկութիւնները: Կարեւոր համարուած է նաեւ տարբեր երկիրներու հայ համայնքներու դերն ու աջակցութիւնը:
Մասնակիցները որոշած են առաւել անմիջական ու նպատակաուղղուած դարձնել Հայոց Հարցին վերաբերող հրապարակումները, անդրադառնալ պատմական իրողութիւններուն, ինչպէս նաեւ Ցեղասպանութիւնը ապրած մարդոց սերունդներու պատմութեան, այն բոլոր պատմական ու քաղաքական իրողութիւններուն, մշակութային, հասարակական ու հոգեբանական խնդիրներուն, որոնք հետեւանքն էին Ցեղասպանութեան եւ որոնք իրենց հետքը ձգեցին համաշխարհային պատմութեան մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL