ՀԱՅ ՄՈՏԷԼՆԵՐԸ ՄՐՑԱՆԱԿՆԵՐՈՎ ԿԸ ՎԵՐԱԴԱՌՆԱՆ ՊՈՏՐՈՒՄԷՆ

 Թուրքիոյ Մուղլա նահանգի Պոտրում քաղաքի մէջ Սեպտեմբեր 20-30-ը կայացած Գեղեցկութեան եւ նորաձեւութեան միջազգային մրցոյթ-փառատօնէն հայերը վերադարձած են 8 մրցանակով: Այս մասին կը յայտնէ News.am-ը։
Պոտրումի մէջ կայացած Princess of the Globe and Photomodel of Universe 2012 եւ մանկական Little Princess World and Little Prince World եւ Mini/Junior Top Model of the World-2012 մրցոյթներուն մասնակցելու համար Հայաստանէն մեկնած էր 7 մասնակից, որոնք վերադարձան 8 մրցանակով:

Աղբիւրը կը նշէ, որ Princess of the Globe and Photomodel of Universe 2012 մրցոյթին Հայաստանը ներկայացնող 22-ամեայ Լաուրա Գարակէօզեանը արժանացաւ երկու մրցանակի` ՙՄիսս տաղանդ՚ տիտղոսին` արաբական պարեր պարելու համար, ինչպէս նաեւ ճանչցուեցաւ ՙMiss Sun Dance՚` արժանանալով գլխաւոր հովանաւորի գլխաւոր մրցանակին` 10-օրեայ անվճար ուղեգիր երկու հոգիի համար: Մեծահասակներու մրցոյթին կը մասնակցէր 20 երկիր, առաջին հորիզոնականը զբաղեցուց Բորթուկալի, 2-րդը` Իտալիոյ, 3-րդը` Մոլտովայի, 4-րդը` Ուքրանիոյ, 5-րդը` Ղրղզստանի ներկայացուցիչները: Մրցոյթին կը մասնակցէին աշխարհահռչակ ձեւաւորողներ եւ մոտելային աշխարհի մէջ յայտնի դէմքեր:

    Little Princess World and Little Prince World եւ Mini/Junior Top Model of the World-2012 մրցոյթը կ’իրականացուէր 4 տարիքային խումբերու մէջ` 3-5տ, 5-7տ, 7-9տ եւ 10 տ եւ բարձր, անոր կը մասնակցէր 10 երկիր:

«Photomodel of Universe -2012՚–ին կը մասնակցէին թէ փոքրիկները եւ թէ մեծահասակները: Մեծահասկաներէն Գլխաւոր մրցանակին արժանացաւ Ֆիլանտիոյ ներկայացուցիչը:

Հայաստանէն փոքրերու մրցոյթին կը մասնակցէր վեց երեխայ, կազմակերպչի խօսքով` ՙմէկը մէկէն լաւ՚, եւ բոլորն էլ արժանացան մրցանակներու: Այսպէս, 3-5 տարիքային խումբի մէջ մրցոյթին մասնակցող Ալինա Գալստեանը արժանացաւ ՙMini Top Model of the World՚ մրցանակին, Ալեքս Գասպարեանը, որ ճանչցուեցաւ ՙաշխարհի փոքրիկ արքայազն՚: 5-7 տարիքային խումբի մէջ ՙլաւագոյններէն լաւագոյն՚ գլխաւոր մրցանակին արժանացած են Հայաստանը ներկայացնող, Էլէն Գալստեանը եւ Գոռ Բակլաչեանը:

Վահրամ Աբէլլեանը արժանացաւ ՙտիեզերքի ֆոթոմոտել՚, իսկ Վարդան Գէօզալեանը` «Junior Top Model of the World՚: Մրցոյթի կազմակերպիչը շեշտեց, որ հայ երեխաները շատ աւելի յաջող հանդէս կու գան ամբողջ աշխարհի մէջ` ի տարբերութիւն մեծերուն: Խնդիրը, ըստ Աշոտ Խաչատրեանի այն է, որ մեծահասակները դեռ չեն ձերբազատուած թերարժէքութեան բարդոյթներէն, կը վախնան լողազգեստով բեմ ելլել: Անկէ բացի, անոր խօսքով, կան բաւական գեղեցիկ աղջիկներ, որոնք կը խուսափին մասնակացելու գեղեցկութեան մրցոյթներուն, քանի որ դեռ կան կարծարտիպեր, թէ եթէ դուն մոտել ես ուրեմն` «անբարոյական ես՚։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>