ԼՐԱԳՐՈՂՆԵՐՈՒ ՀԱՄԱՀԱՅԿԱԿԱՆ 6-ՐԴ ՀԱՄԱԺՈՂՈՎԻՆ ՄԱՍՆԱԿԻՑՆԵՐԸ ԱՅՑԵԼԵՑԻՆ ՊԱՇՏՊԱՆՈՒԹԵԱՆ ՆԱԽԱՐԱՐՈՒԹԻՒՆ

ՀՀ պաշտպանութեան նախարար Սէյրան Օհայեան Հոկտմեբեր 6-ին հանդիպում ունեցաւ ՙՀայոց ցեղասպանութեան 100-րդ տարելիցին ընդառաջ՚ խորագիրով լրագրողներու 6-րդ համահայկական համաժողովի մասնակիցներուն հետ: Հանդիպման ներկայ եղաւ նաեւ ՀՀ սփիւռքի նախարար Հրանոյշ Յակոբեան:

ՀՀ պաշտպանութեան նախարարը, ողջունելով ներկաները, բարձր գնահատեց սփիւռքահայ լրագրողներուն աւանդը Հայոց ցեղասպանութեան ճանաչման կարեւորագոյն գործին մէջ. ՙես հետեւել եմ համաժողովի աշխատանքներին եւ գտնում եմ, որ այն չափազանց կարեւոր գործունէութիւն է իրականացնում:

Ցեղասպանութեան ճանաչումը մեր ժողովրդի եւ հանրապետութեան ղեկավարութեան առաջնային խնդիրներից է: Այն ոչ միայն անհրաժեշտ է լոկ մեր ժողովրդին, այլեւ համայն հանրութեանը` այսօր եւ յետագայում նմանաբնոյթ ոճրագործութիւններից խուսափելու համար՚,- նշեց Սէյրան Օհանեան: Խօսելով ՀՀ զինուած ուժերու մարտունակութեան մասին` Սէյրան Օհանեան նկատած է, որ այս ընթացքին Հայաստանի մէջ իրականացուած է Հաւաքական անվտանգութեան պայմանագրի կազմակերպութեան գործողութեան արձագանգման հաւաքական ուժերու մասնակցութեամբ ՙփոխգործակցութիւն-2012՚ համատեղ զօրավարժութիւնը, իսկ ներկայիս կը շարունակուին Հոկտեմբեր 1-էն մեկնարկած ռազմավարական հրամանատարական զօրավարժութիւնները:

Երկու զօրավարժութիւնները աննախադէպ են իրենց բնոյթով եւ ծաւալներով. «այսօր բանակը մի այնպիսի պատրաստականութեան մէջ է, որ մենք կարող ենք մեր առջեւ դրուած խնդիրները: Ի հարկէ, մենք ունենք նաեւ բացթողումներ ու թերացումներ, սակայն նաեւ լրատուամիջոցների շնորհիւ մենք չէզոքացնում ենք այդ թերութիւնները՚,- ըսաւ պաշտպանութեան նախարարը:

ՀՀ սփիւռքի նախարար Հրանոյշ Յակոբեան իր հերթին բարձր գնահատեց պաշտպանութեան նախարարութեան հետ համագործակցութիւնը եւ կարեւորեց բանակին դերը մեր հասարակութեան կեանքին մէջ:

Հանդիպման ընթացքին «հայոց ցեղասպանութեան 100-րդ տարելիցին ընդառաջ՚ խորագիրով լրագրողներու 6-րդ համահայկական համաժողովի մասնակիցները Սէյրան Օհանեանին ուղղեցին հարցեր, որոնք կը վերաբերէին հայոց բանակի ձեռքբերումներուն եւ թերութիւններուն, զօրակոչի գործընթացին, տարածաշրջանային խնդիրներուն, ինչպէս նաեւ երկու գերատեսչութիւններուն միջեւ համագործակցութեան:

Հանդիպումը եզրափակուեցաւ պարգեւատրման հանդիսաւոր արարողութեամբ: ՀՀ պաշտպանութեան նախարար Սէյրան Օհանեանի կողմից կարգ մը լրագրողներ եւ լրատուամիջոցներու ղեկավարներ արժանացան գերատեսչական մետալներու եւ պատուոգրերու։ Մետալներ ստացողներուն շարքին էին Լիբանաի ՙԱզդակ՚ օրաթերթի գլխաւոր խմբագիր Շահան Գանտահարեան, ՙՔալիֆորնիա Քուրիըր» թերթի հրատարակիչ Յարութ Սասունեան Քանատայի ՙՀորիզոն՚ շաբաթաթերթի լրագրող Նայիրի Մկրտիչեան, Լիբանանի ՙՍեւան՚ ձայնասփիւռի ծրագիրներու տնօրէն Վերա Սիսերեան, voice of Armenia հեռուստաընկերութեան լրագրող Կարինէ Քոչարեան եւ այլք։

Պատուոյ գիրեր ստացողներու շարքին էին Քանատայի Հորիզոն թերթի գլխաւոր խմբագիր Վահագն Գարագաշեան, ԱՄՆ-ի ՙԱսպարէզ՚ օրաթերթի գլխաւոր խմբագիր Աբօ Պողիկեան, ԱՄՆ-ի ՙՀայրենիք՚ շաբաթաթերթի գլխաւոր խմբագիր Զաւէն Թորիկեան, Ֆրանսայի ՙՆոր Յառաջ՚ պարբերականի գլխաւոր խմբագիր Ժիրայր Չոլաքեան, Իրանի ՙԱլիք՚ օրաթերթի գլխաւոր խմբագիր Դերենիկ Մելիքեան,Չեխիոյ ՙՕրեր՚ ամսագրի խմբագիր Յակոբ Ասատրեան, Լիբանանի Զարթօնք օրաթերթի գլխաւոր խմբագիր Պայծիկ Գալայճեան, Լիբանանի Ազդակ օրաթերթի Լիբանանի ֆոթոլրագրող Գաբրիէլ Փանոսեան եւ ուրիշներ։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button