ՊԱՐՈՅՐ ՍԵՒԱԿԻ ԵՒ ՀՐԱՆԴ ՄԱԹԷՈՍԵԱՆԻ ԱՐՁԱՆՆԵՐԸ ԵՐԵՒԱՆԻ ՄԷՋ

 Երեւանի քաղաքապետարանը կը շարունակէ իրականացնել “Մեր հանճարները մեր կողքին են” նախագիծը: Հոկտեմբեր 7-ին, Մոսկովեան պուրակի մօտ` Իսահակեան փողոցի մայթի նստարանին, տեղադրուած է բանաստեղծ Պարոյր Սեւակի արձանը, իսկ Եղիշէ Չարենցի տուն-թանգարանին մօտ` Մաշտոցի պողոտային հարող այգիին մէջ, տեղադրուած է գրող Հրանդ Մաթեւոսեանի արձանը: Այս մասին կը հաղորդէ PanArmenian.net-ը:

Վկայակոչելով Երեւանի քաղաքապետի խորհրդական Արամ Սուքիասեանը` աղբիւրը կը նշէ, թէ հայ մեծերու արձաններ պիտի տեղադրուին նաեւ Աբովեան պուրակին, ինչպէս նաեւ Շառլ Ազնաւուրի հրապարակին ու այլ բանուկ վայրերու մէջ: “Մինչեւ Էրեբունի-Երեւանի տօնակատարութիւնները` Հոկտեմբերի 14-ը, նախատեսւում է տեղադրել 9-12 արձան, սակայն մենք չենք պատրաստւում հրապարակել, թէ ում արձաններն են լինելու դրանք: Այս նախագիծը քաղաքապետարանի անակնկալն է երեւանցիներին, եւ արձանների տեղադրման օրուայ ու վայրի մասին նախօրօք չի յայտարարուելու”,- նշած էր Սուքիասեան:

Սեպտեմբեր 20-ին Շառլ Ազնաւուրի հրապարակին վրայ` “Մոսկուա” շարժանկար-թատերասրահի դիմաց, նստարաններուն տեղադրուեցան Մհեր Մկրտչեանի եւ Եղիշէ Չարենցի արձանները: Կաւով պատրաստուած արձաններուն հեղինակն է Սուրէն Մելքոնեան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>