ՕՍԿԱՆԵԱՆ ԿԸ ՄԵՐԺԷ ՑՈՒՑՄՈՒՆՔ ՏԱԼ ԱԶԳԱՅԻՆ ԱՆՎՏԱՆԳՈՒԹԵԱՆ ԾԱՌԱՅՈՒԹԻՒՆՆԵՐՈՒՆ

ՀՀ արտաքին գործոց նախկին նախարար, ԲՀԿ պատգամաւոր վարդան Օսկանեան Facebook-ի իր էջին մէջ անդրադարձած է այսօրուան ԱԱԾ կատարելիք իր այցին:

Պատգամաւորի արձանագրութեան մէջ մասնաւորապէս նշուած է.
“Այսօր ժամը 12-ին հրաւիրուած եմ ԱԱԾ, ուր ինծի մեղադրանք պիտի ներկայացնեն դրամի իւրացման եւ լուացման յատկանիշներով:

Այսօր ոչ միայն ժողովուրդը չի հաւատար, որ Օսկանեանը դրամ լուացած կամ իւրացուցած է, այլեւ թէ’ գործ յարուցողները, թէ’ անոր պատուիրատուները, թէ’ գործի հետաքննութիւնը իրականացնողները եւ թէ’ դատախազի միջնորդագիրին հաւանութիւն տուողները: Բոլորն ալ գիտեն, որ այս ամէնը անհիմն է:

Ես ԱԱԾ կ’երթամ միմիայն այն պատճառով, որ օրէնքը այդպէս կը պահանջէ, եւ պիտի շարունակեմ օգտուիլ սահմանադրական իմ իրաւունքէս եւ ցուցմունք պիտի չտամ:

Շնորհակալ եմ այս օրերուն բոլոր աջակցութիւն ցուցաբերողներուն”:

Յիշեցնենք, որ Հոկտեմբեր 2-ին ՀՀ Ազգային ժողովը բաւարարեց Սեպտեմբեր 27-ին` ՀՀ գլխաւոր դատախազ Աղուան Յովսէփեանի ներկայացուցած միջնորդութիւնը` ԲՀԿ խմբակցութեան անդամ, ՀՀ ԱԳ նախկին նախարար Վարդան Օսկանեանը պատգամաւորական անձեռնմխելիութենէն զրկելու մասին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button