ԲԵՐԻՈՅ ԹԵՄԻ ԱԶԳԱՅԻՆ ԱՌԱՋՆՈՐԴԱՐԱՆԸ ԺԱՄԱՆԱԿԱՒՈՐԱՊԷՍ ԱՅԼ ՎԱՅՐԵՐՈՒ ՄԷՋ ՊԻՏԻ ՇԱՐՈՒՆԱԿԷ ԻՐ ԱՇԽԱՏԱՆՔԸ

Բերիոյ Հայոց Թեմի Ազգային Առաջնորդարանի դիւանը տարածած է հետեւեալ հաղորդագրութիւնը.

Բերիոյ Հայոց Թեմի Առաջնորդ Գերշ. Տ. Շահան Սրբ. Եպս. Սարգիսեանի նախագահութեամբ, Բերիոյ Հայոց Թեմի Ազգ. Վարչութիւնը, Հալէպ քաղաքին մէջ տիրող այժմու կացութեան պատճառով, դիւրացնելու համար ժողովուրդ-Ազգ. Առաջնորդարան յարաբերութիւնը, որոշեց Ազգ. Առաջնորդարանի աշխատանքները ժամանակաւոր կերպով վարել հետեւեալ կեդրոններուն մէջ, նշուած բաժանումով.

Ա.- Ազգ. Առաջնորդարանի ՍԻՄՈՆ ՎՐԱՑԵԱՆ ԿԵԴՐՈՆ գետնայարկի գրասենեակները (Սիւլէյմանիէ նախկին Ազգ. Կիւլպէնկեան Վարժարան), ուր պիտի գործեն` Դիւանատունը, քարտուղարութիւնը եւ հաշուապահութիւնը:
Վարչական այս կեդրոնէն կը տրամադրուին բոլոր վկայագրերը եւ Դիւանատան ճամբով կը կատարուին բոլոր յարաբերութիւնները:

Բ.- Ս. Գրիգոր Լուսաւորիչ Եկեղեցւոյ Թաղականութեան Գրասենեակ (Նոր Գիւղ «Սիս» համալիր), ուր պիտի գործեն ծիսակատարութեան քարտուղարութիւնը, Ուսումնական եւ Կալուածոց գրասենեակները:
Մկրտութեան, Ս. Պսակի եւ թաղմանական բոլոր հարցերով պէտք է դիմել այս կեդրոնը:
Վերոյիշեալ երկու կեդրոններուն մէջ մատուցելի ծառայութիւններէն դուրս` Ազգ. Առաջնորդարանի ընթացիկ այլ աշխատանքները ժամանակաւոր կերպով կ՛առկախուին:
Զոյգ կեդրոնները կը գործեն Երկուշաբաթի, 27 Օգոստոս 2012-էն սկսեալ, աշխատանքային բոլոր օրերուն, առաւօտեան ժամը 8:30-1:30:
Կեդրոններու հեռախօսահամարներն են.-
Ազգ. Առաջնորդարանի Ս. Վրացեան Կեդրոն
Դիւանատուն եւ հաշուապահութիւն 4611679
Քարտուղարութիւն 4612450
Ս. Գրիգոր Լուսաւորիչ կեդ¬րոն
Քարտուղարութիւն 4644040
Ազգ. Առաջնորդարան-ժողովուրդ յարաբերութեան պահպանման եւ հնարաւոր միջոցներով ծառայութիւն մատուցելու այս կարգադրութիւնները կը յուսանք արդիւնաւորուած տեսնել մեր ժողովուրդի բոլոր զաւակներուն համագործակցութեամբ: Բերիոյ թեմի Ազգային իշխանութեան ու Հալէպի հայ երեք համայնքապետերուն համաձայնութեամբ եւ Բերիոյ թեմի առաջնորդ Շահան եպս. Սարգիսեանի կարգադրութեամբ` Հալէպի Ազգային ծերանոցի պատսպարեալները փոխադրուեցան այլ ապահով վայր: Այս մասին երէկ երեկոյեան Լիբանանի «Ազդակ» օրաթերթին յայտնած է Բերիոյ թեմի Ազգային առաջնորդարանի բանբեր Ժիրայր Ռէյիսեանի հետ:

Բանբերը ընդգծած է, թէ որոշումը առնուած է նկատի ունենալով Պոսթան Փաշա թաղամասին մէջ գտնուող ծերանոցին վտանգաւոր դիրքը: Ըստ Ռէյիսեանի` բախումներ տեղի կ՛ունենան նաեւ Հալէպի զանազան այլ շրջաններու մէջ, սակայն ընդհանրապէս ոչ քաղաքի կեդրոնական բաժինը:
Բերիոյ թեմի Ազգային առաջնորդարանի բանբերը նշած է, որ այս երկու օրը չեն արձանագրուած մասնաւոր մարդկային վնասներ, բայց ժողովուրդը անկասկած նախազգուշական քայլերու կը դիմէ` վտանգը նուազագոյնին հասցնելու առումով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>