ԷՐԵԲՈՒՆԻ-ԵՐԵՒԱՆ» ՏՕՆԱԿԱՏԱՐՈՒԹԵԱՆ ՆԱԽԱՊԱՏՐԱՍՏՈՒԹԻՒՆՆԵՐ

Երեւանի քաղաքապետ Տարօն Մարգարեան, աշխատանքային հերթական խորհրդակցութեան ժամանակ, շնորհակալութիւն յայտնած է բոլոր այն կազմակերպութիւններուն, գերատեսչութիւններուն եւ կառոյցներուն, որոնք աշխոյժ մասնակցութիւն ունեցած են անցեալ շաբաթ կայացած համաքաղաքային շաբաթօրեակին: Այս մասին կը հաղորդէ Երեւանի քաղաքապետարանի տեղեկատւութեան եւ հասարակայնութեան հետ կապերու վարչութիւնը: Յանձնարարուած է նաեւ մշտական հսկողութիւն իրականացնել աղբի կուտակման վայրերը վերացնելու ուղղութեամբ:

Քաղաքապետին զեկուցուած է, որ Հոկտեմբեր 14-ի “Էրեբունի-Երեւան” տօնակատարութեան ընդառաջ կը շարունակուին ձեռնարկներու կազմակերպման աշխատանքները: Էրեբունի արգելոց- թանգարանին մէջ եւ Հանրապետութեան հրապարակին վրայ նախատեսուող համերգային ծրագիրներէն բացի, տօնը առաւել զանգուածային դարձնելու նպատակով, մայրաքաղաքին մէջ պիտի տեղադրուի նաեւ 26 այլ բեմահարթակ:

Տօնին ընդառաջ ընթացքի մէջ են մայրաքաղաքի արտաքին տեսքի ձեւաւորման աշխատանքները: Քաղաքապետ Տարօն Մարգարեան յանձնարարած է ձեռնարկել համապատասխան միջոցները` Հոկտեմբեր 14-ին հասարակական փոխադրամիջոցի եւ գետնուղիի աշխատանքը մինչեւ ուշ երեկոյ ապահովելու ուղղութեամբ:

Տօնակատարութեան ծիրէն ներս մայրաքաղաքին մէջ պիտի տեղադրուին քաղաքաշինական եւ գեղարուեստական խորհուրդներու կողմէ հաւանութեան արժանացած քանդակագործներ Թերեզա Միրզոեւայի եւ Աշոտ Յարութիւնեանի հեղինակած արձանները:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button