ՍՈՒՐԻԱԿԱՆ ԾՐԱԳՐՈՎ ԴՊՐՈՑԻ ԲԱՑՈՒՄ ԵՐԵՒԱՆԻ ՄԷՋ

 Երեւանի Նար Դոսի անուան հ. 14 հիմնական դպրոցին մէջ վաղը առաւօտեան տեղի պիտի ունենայ սուրիական կրթական ծրագիրով (արաբերէնով) «Կիլիկեան» դպրոցի բացման հանդիսութիւնը: Այս մասին կը հաղորդեն Սփիւռքի նախարարութեան մամուլի ծառայութենէն: Դպրոցին ստեղծումը նախաձեռնած է «Կիլիկիա» բարեսիրական կազմակերպութիւնը` Հայաստանի մէջ հաստատուած սուրահայերու ընտանիքներուն համար, որպէսզի երեխաներուն կրթական գործընթացը չընդհատուի եւ Սուրիոյ մէջ քաղաքական իրավիճակը կայունանալէն ետք երկիր վերադառնալով դժուարութիւններ չյառաջանան:

Այդ նպատակով, Յուլիսին, ՀՀ սփիւռքի նախարարութեան նախաձեռնութեամբ եւ աշխատակիցներուն ուժերով ստեղծուած է աշխատանքային-կրթական յանձնախումբ, որուն մէջ մտած են սուրիահայ կազմակերպութիւններու ներկայացուցիչներ, կրթական գործի պատասխանատուներ, մանկավարժներ: ՀՀ սփիւռքի նախարարութիւնը համակարգած է սուրիական կրթական ծրագիրով դպրոցի ստեղծման գործնընթացը` ՀՀ կրթութեան եւ գիտութեան նախարարութեան, Երեւանի քաղաքապետարանի հանրակրթութեան վարչութեան աջակցութեամբ, նախաձեռնող կազմակերպութեան հետ համատեղ:

Կայացած են բազմաթիւ աշխատանքային խորհրդակցութիւններ ՀՀ սփիւռքի, կրթութեան եւ գիտութեան նախարարներու մօտ, որուն իբրեւ արդիւնք, Օգոստոս-Սեպտեմբերին աշխատանքներ տարուած են Հայաստանի, մասնաւորապէս, Երեւանի մէջ գտնուող սուրիահայ երեխաներու, ուսուցիչներու հաշուառման, դասարաններու համալրման, Սուրիայէն 1-9-րդ դասարաններու մէջ դասաւանդուող առարկաներուն համապատասխան դասագիրքերէն մէկական օրինակի ձեռքբերման եւ բազմացման, դպրոցի ընտրութեան, դասարանները դպրոցական կահոյքով եւ պարագաներով ապահովելու, ուսումնական գործընթացին առնչուող այլ խնդիրներու լուծման ուղղութեամբ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>