ԲԱԽՈՒՄՆԵՐ ՍՈՒՐԻՈՅ ՔԱՂԱՔՆԵՐՈՒՆ ՄԷՋ

Սուրիոյ  տարբեր քաղաքներու մէջ  ծանր բախումներ տեղի կ’ունենան պետական զօրքերու եւ արտասահմանէն զինեալ օգնութիւն ստացող  ընդդիմութեան  զօրքերուն միջեւ: Բախումները աւելի շեշտակի դարձած են Դամասկոսի, Հալէպի, Հոմսի եւ Համայի մէջ:  

Թրքական   Հիւրիյէթ օրաթերթը կը գրէ, թէ  Եգիպտոս եւ Թուրքիա  մէկշաբաթեայ միացեալ զօրավարժութիւններ սկսած  են  կատարել Միջերկրական ծովու արեւելեան ափին՝  սուրիական ջուրերէն  ոչ հեռու շրջաններու մէջ: Ռազմափորձերը պիտի աւարտին 14 Հոկտեմբերին:

ՄԱԿ-ի տուեալներով,  Սուրիոյ  դրացի պետութիւնները մեկնած գաղթականներուն  թիւը արձանագրած է զգալի աճ: Լիբանանի մէջ անոնց թիւը  կը գնահատուի  85 հազար: Ընդհանուր առմամբ Թուրքիա  տեղափոխուած  սուրիացիներուն թիւը կը գնահատուի  հարիւր հազար:

Միջազգային իրաւապաշտպան Raw in War կազմակերպութիւնը Աննա Պոլիտովսկայայի  անուան մրցանակը շնորհեց բրիտանական Sunday Times  օրաթերթի լրագրող Մերի  Գոլվինին: Վերջինս Սուրիոյ մէջ զոհուեցաւ անցնող Մարտին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button