ՌՈՒՍ-ՀԱՅԿԱԿԱՆ 5-ՐԴ ՑՈՒՑԱՀԱՆԴԷՍԸ ԵՐԵՒԱՆԻ ՄԷՋ

Ռուս-հայկական արդիւնաբերական 5-րդ յոբելինական ցուցահանդէսը պիտի մեկնարկէ Հոկտեմբեր 24-ին, Երեւանի մէջ: Այս մասին կը հաղորդէ Expo-Russia-Armenia-ի կազմակերպիչ կոմիտէն:

ՀՀ կառավարութեան նիստերու դահլիճին նախասրահին մէջ կազմակերպուելիք ցուցահանդէսը պիտի ունենայ ըստ նիւթերու բաժանումներ` ուժանիւթի, մետաղագործութեան, փոխադրամիջոցի եւ չուագիտութեան, երկրաբանութեան, քիմիական արդիւնաբերութեան, հեռահաղորդակցութեան, տեղեկատուական ճարտարագիտութիւններու:

Ցուցահանդէսին ծիրէն ներս շարք մը նախարարութիւններու կողմէ պիտի իրականացուին կլոր սեղաններ, ինչպէս նաեւ նպատակային հանդիպումներ` Ռուսաստանի հետ աւանդաբար համագործակցող հայաստանեան ընկերութիւններու եւ գիտահետազօտական հաստատութիւններու հետ:

Ցուցահանդէսը տեղի պիտի ունենայ Ռուսաստանի Դաշնութեան Պետական դումայի, Առեւտրաարդիւնաբերական պալատի, Արտաքին գործոց եւ ճիւղային նախարարութիւններու, ՀՀ կառավարութեան, Ազգային ժողովի, Հայաստանի մէջ Ռուսաստանի եւ Ռուսաստանի մէջ Հայաստանի դեսպանութիւններու եւ առեւտրային առաքելութիւններու, Հայաստանի միջազգային ընկերակցութեան խաղաղութեան հիմնադրամներու, երկու երկիրներու գործարար համայնքներուն աջակցութեամբ: Այս տարի ցուցահանդէսը պիտի կայանայ Հոկտեմբեր 24-26:

Expo-Russia- Armenia ցուցահանդէսին նախորդ չորս տարիներուն մասնակցած են Հայաստանի եւ Ռուսաստանի մօտ 500 ընկերութիւններ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>