«ԲՀԿ-Ն ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒՆ ՊԷՏՔ Է ՄԱՍՆԱԿՑԻ ՍԵՓԱԿԱՆ ԹԵԿՆԱԾՈՒՈՎ.» ՎԱՐԴԱՆ ՕՍԿԱՆԵԱՆ

 Այսօր ԱԱԾ այցելելէ ետք “Սիւիլնեթ”-ին տուած հարցազրոյցին ՀՀ արտաքին գործոց նախկին նախարար, ԲՀԿ անդամ Վարդան Օսկանեան ըսած է, թէ ինք օգտուած է իր սահմանադրական իրաւունքէն եւ ցուցմունք չէ տուած:

Անդրադառնալով «Ձեր անձեռնմխելիութիւնը վերցնելու եւ գործին իբրեւ մեղադրեալ ներգրաւուելու համար` իշխող կուսակցութեան հիմնաւորումը այն էր, որ հնարաւորութիւն ստեղծուի` Դուք ապացուցէք Ձեր անմեղութիւնը» դիտարկամ` Վարդան Օսկանեան պատասխանած է,- «Այդ հիմնաւորումը ամենամեծ անհեթեթութիւնն էր եւ լաւագոյն ապացոյցը այն բանի, որ այս գործը քաղաքական պատուէր է: Ես վստահ եմ, որ մեր օրէնսդիրները լաւ գիտեն, որ մեղքը պէտք է ապացուցէ մեղադրողը եւ ոչ թէ մեղադրեալը: Երկրորդ, մեր քրէական օրէնսդրութեան հիմքին դրուած է անմեղութեան կանխավարկածը, որ կ’ենթադրէ, որ օրէնսդիրները մեղադրանքի առնչութեամբ դատախազէն պէտք է պահանջէին իրենց մտքին մէջ որեւէ կասկած չձգող ապացոյց եւ նոր միայն համաձայնէին զիս անձեռնմխելիութենէ զրկելուն: Ատիկա տեղի չունեցաւ, որովհետեւ ակնյայտօրէն եղած էր քաղաքական պատուէր»:

ԲՀԿ-ի ` Վարդան Օսկանեանի թեկնածաութիւնը ներկայացնելու մասին հարցին Օսկանեան պատասխանած է, որ, կուսակցութիւնը այս հարցին վերաբերեալ դեռ պաշտօնական որոշում չէ ընդունած: Այնպէս որ, այն, ինչ պիտի ըսէ, իր անձնական կարծիքն է: Ըստ այդմ` հաշուի առնելով, որ ԲՀԿ-ն այսօր Հայաստանի մէջ ծանրակշիռ եւ մեծ հեղինակութիւն ունեցող կուսակցութիւն է, եւ ժողովուրդը մեծ ակնկալիքներ ունի անկէ, հնարաւոր է, որ ան մինաշանակօրէն նախագահական ընտրութիւններուն պէտք է մասնակցի սեփական թեկնածուով: «Բնական է, որ առաջին հերթին այդ թեկնածուն պէտք է ըլլայ կուսակցութեան առաջնորդը` Գագիկ Ծառուկեանը: Սակայն, եթէ պարոն Ծառուկեանը չուզէ իր թեկնածութիւնը դնել, եւ կուսակցութիւնը կանգնի իմ թեկնածութեան վրայ, ես պատրաստ եմ իմ վրայ վերցնելու այդ պատասխանատւութիւնը»,- ըսած է Օսկանեան:

Պատասխանելով այն հարցին, թէ սեփական թեկնածուով ներկայանալու պարագային կրնանյ զօրանալ ճնշումները Ծառուկեանի, իր եւ ընդհանրապէս ԲՀԿ-ի նկատմամբ` արտաքին գործոց նախկին նախարարը ըսած է, որ հարցին պէտք է նայիլ երկրի շահերուն տեսանկիւնէն: «ԲՀԿ-ի մասնակցութենէն միմիայն պիտի շահի Հայաստանը, մեր ժողովրդավարութիւնը, ժողովուրդը պիտի ունենայ իսկական այլընտրանք, եւ միջազգային հանրութիւնը մեզի պիտի վերաբերուի իբրեւ ժողովրդավարութեան իսկական ճանապարհ բռնած երկիր»,- եզրափակած է Վարդան Օսկանեան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL