«ՍԱԼՎԱՏՈՐ ՖԵՍԹ» ՄՏՔԻ ՓԱՌԱՏՕՆ ՀԱՅԱՍՏԱՆԻ ՄԷՋ

Հոկտեմբեր 13-ին պիտի մեկնարկէ “Սալվատոր ֆեսթ” մտքի փառատօնը, որուն կազմակերպիչներն են Հայաստանի երիտասարդական հիմնադրամը եւ Մարքեթինգի հայկական ակումբը:

«Salvador Fest» մտքի փառատօնին պիտի մասնակցին տարբեր համալսարաններու շուկայագիտութեան (PR/գովազդ/գործարարութիւն) ամպիոններու ուսանողներ եւ երիտասարդ մասնագէտներ: Ծրագիրին նպատակն է բացայայտել շուկայագիտութեան, PR ոլորտներու մէջ ստեղծարար եւ ինքնատիպ մտքեր ունեցող երիտասարդները:

Հիմնադրամի մամուլի ծառայութեան տեղեկութիւններով՝ ծրագիրին առաջին օրը կազմակերպիչները պիտի ներկայացնեն առաջարկներ պատրաստելու ճարտարագիտական ձեւաչափը, մասնակիցներուն պիտի տան անհրաժեշտ խորհուրդներ եւ նման փառատօներու միջազգային փորձի մասին օգտակար տեղեկութիւններ: Առաջին օրուան հանդիպումը պիտի եզրափակուի Հայաստանի մէջ դեռ չկիրառուած գովազդներու մասին պատմող շնորհանդէսով:

Մէկշաբաթեայ աշխատանքներէ ետք` Հոկտեմբեր 20-ին, մասնակիցները պիտի ներկայացնեն իրենց առաջարկները: Առաջարկներուն ճարտարագիտական ձեւաչափին համապատասխան աշխատանքները պիտի ընդգրկուին յաջորդ փուլ: Կազմակերպիչներուն կողմէ փառատօնի մասնակիցներուն պիտի ներկայացուի «PR-ի առանձնայատկութիւնները Հայաստանում» խորագիրով վերլուծական նիւթ:

Հոկտեմբեր 27-ին ժիւրիի եւ հեղինակաւոր կազմակերպութիւններէն հրաւիրուած մասնագէտներու ներկայութեամբ մասնակիցները պիտի ներկայացնեն իրենց նորարարական առաջարկները եւ պիտի լսեն մասնագէտներու կարծիքները: Տեղի պիտի ունենան մասնագիտական քննարկումներ: Ժիւրին պիտի ընտրէ լաւագոյն տասը աշխատանքները ներկայացուցած մասնակիցները: Ծրագիրին այս փուլին յաղթած տասը երիտասարդները պիտի հանդիպին համապատասխան ոլորտները ներկայացնող պետական բարձրաստիճան պաշտօնեաներու հետ եւ հնարաւորութիւն պիտի ունենան ամենաբարձր մակարդակով արտայայտելու իրենց նորարարական առաջարկներն ու մտքերը:

Նոյեմբեր 3-ին տեղի պիտի ունենայ «Salvador Fest» մտքի փառատօնին եզրափակիչ փուլը: Պիտի հրապարակուին յաղթողները, առաջինէն երրորդ տեղերը գրաւած երիտասարդները պիտի ստանան պատուոգիրեր եւ խրախուսական մրցանակներ:

«Սալվատոր ֆեսթ» մտքի փառատօնի գործընկերներն են eMedia.am լրատուական գործակալութիւնը, Dinamica Testing Centre ծրագրաւորման ընկերութիւնը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL