ԼԵՀ ԴԵՍՊԱՆԸ ՀՄԱՅՈՒԱԾ Է ՀԱՅԵՐՈՒ ՄՇԱԿՈՅԹՈՎ ԵՒ ԲՆԱՒՈՐՈՒԹԵԱՄԲ

 Հայաստանի եւ Լեհաստանի համագործակցութիւնը, շարք մը ոլորտներու մէջ, վերջին տարիներուն աշխոյժացած է: Այս մասին, ըստ Armenpress.am-ի, նշած է Հայաստանի մօտ Լեհաստանի արտակարգ եւ լիազօր դեսպան Զտիսլաւ Ռաչինսգին, ընդգծելով, որ երկու երկիրներուն համագործակցութեան աշխոյժացումը նկատելի է բոլոր որոլտներուն մէջ: «Վերջին երեք տարիներուն ընթացքին մենք կը նկատենք նախապէս ոչ այնքան տեսանելի համագործակցութեան աշխոյժացում, բոլոր ոլորտներու մէջ` սկսեալ քաղաքականութենէն, վերջացած մշակոյթով»,- ըսած է դեսպանը: Այս ամէնը, դեսպանի խօսքով, կը վկայէ, որ փոխադարձ հետաքրքրութիւնը, իրարու դերակատարութեան արժեւորումը երկու երկիրերու միջեւ մեծցած է:

«Այդ հանգամանքը, բնականաբար, կ’ուրախացնէ, քանի որ իմ այստեղ գտնուելու հիմնական նպատակն ալ երկու երկիրներուն համագործակցութիւնը խթանելն է»,- ըսած է Ռաչինսգի` աւելցնելով, որ աշխոյժ համագործակցութեան համար ստեղծուած են համապատասխան նախադրեալներ: Ան նաեւ նշած է, որ վերջին տարիներուն Հայաստանի եւ Լեհաստանի ռազմական համագործակցութիւնը ակշխոյժ է եւ կայուն:

Լեհ դիւանագէտին բնորոշմամբ` Հայաստանը եւ Լեհաստանը ունին շատ պատմական ընդհանրութիւններ, այդ պատճառով ալ իրարու լաւ կը հասկնան: «Սակայն ի տարբերութիւն Լեհաստանի, ուր զոհի «սինտրոմ»-ը յաղթահարուած է, Հայաստանի մէջ այդ գործընթացը նոր տեղի կ’ունենայ»,- ընդգծած է դեսպանը:

Հայաստանի մէջ Ռաչինսգիին առաջին հերթին գրաւած է մեր հարուստ պատմական անցեալը, ճարտարապետական յուշարձանները, ինչպէս նաեւ մարդոց ամուր բնաւորութիւնը: «Ինծի համար հաճելի է մարդոց` տարբեր դժուարութիւններ յաղթահարելու եւ սեփական տեղը գտնելու ձգտումը»,- աւելցուցած է դեսպանը:

Հայաստանի Հանրապետութեան եւ Լեհաստանի Հանրապետութեան միջեւ դիւանագիտական յարաբերութիւնները հաստատուած են 1992 Փետրուար 26-ին: Հայաստանի մէջ Լեհաստանի դեսպանութեան կողմէ հրատարակուած «100 բանաստեղծութիւններ. Նոպէլեան մրցանակի դափնեկիրներ եւ ժամանակակից այլ բանաստեղծներ» գիրքին շնորհանդէսը տեղի ունեցաւ Արամ Խաչատրեանի տուն-թանգարանին մէջ Հոկտեմբեր 8-ին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>