ՀԱՅ ԶԻՆՈՒՈՐՆԵՐԸ ՆԵՐԳՐԱՒՈՒԱԾ ԵՆ ՆԱԹՕ-Ի ԾՐԱԳԻՐՆԵՐՈՒՆ ՄԷՋ

Հայաստան կարեւոր կը համարէ մասնակցութիւնը Հիւսիսատլանտեան դաշինքին կողմէ իրականացուող ռազմակրթական բազմաթիւ ծրագիրներու: Այս մասին, ըստ Armenpress.am-ի, յայտնած է ՀՀ ՊՆ մամլոյ քարտուղար Արծրուն Յովհաննիսեան` աւելցնելով, որ ՆԱԹՕ-ն կ’իրականացնէ տարբեր ռազմակրթական ծրագիրներ, Հայաստանի ներգրաւուածութիւնը բաւականաչափ աշխոյժ է: Կան ծրագիրներ, որոնք անմիջապէս կ’իրականացնէ իր սպայակոյտի հրահանգներով եւ իր սպայակոյտի ենթակայութեան տակ: Ունի նաեւ ծրագիրներ, որոնց կ’աջակցի նիւթապէս կամ ՆԱԹՕ-ի անդամ որեւէ երկիր կ’իրականացնէ որոշ ռազմակրթական ծրագիր:

«Հայաստանը սերտ համագործակցութիւն ունի արտերկրի ռազմական բուհերի հետ: Այս առումով համագործակցում ենք ԱՄՆ-ի, Գերմանիայի, Իտալիայի, Յունաստանի եւ այլ երկրների ռազմական բարձրագոյն ուսումնական հաստատութիւնների հետ: Նկատւում է նաեւ այդ ռազմակրթական ծրագրերով սովորողների ակնյայտ աճ: Պիտի ասեմ, որ մենք արտերկրեայ ռազմական բուհեր գնացել ենք, գնում ենք ու պիտի շարունակենք գնալ»,- ըսած է Յովհաննիսեան:

Անդրադառնալով այն հարցին, թէ ինչ կու տան ռազմակրթական այդ ծրագիրները զինուորներուն` ՀՀ ՊՆ մամլոյ քարտուղարը շեշտած է, որ անոնք կարեւոր են ոչ միայն լեզուի դասաւանդման առումով, այլեւ հրամանատարական դասընթացներու եւ զինուորական մասնագիտացումներու համար:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button