ՍԱՍՈՒՆԵԱՆ ԱՐԴԱՐՈՒԹԻՒՆ ԿԸ ՊԱՀԱՆՋԷ ԹՈՒՐՔԻԱՅԷՆ

Հայաստան այսուհետեւ պէտք է հետամուտ ըլլայ ոչ միայն Հայոց Ցեղասպանութեան միջազգային ճանաչման, այլ արդարութիւն պահանջէ Թուրքիայէն: Ըստ Armenpress.am-ի` Հոկտեմբեր 9-ին լրագրողներու հետ հանդիպման ժամանակ նման դիտարկումով հանդէս եկած է “Գալիֆոռնիա ԳուրիԸր” թերթի գլխաւոր խմբագիր Յարութ Սասունեան: Ամերիկահայ գործիչին կարծիքով` միջազգային հանրութեան արդէն ապացուցելու կարիք չկայ, որ 1915-ին թրքական կառավարութիւնը իրականացուցած է համամարդկային ոճիր` Հայոց Ցեղասպանութիւն, քանի որ անոնք արդէն շատ լաւ գիտեն, թէ ինչ եղած է իրականութեան մէջ:

“Երբ մենք անընդհատ կը խօսինք Ցեղասպանութեան միջազգային ճանաչման մասին, թուրքերը կ’ուրախանան, որ գործը կը սկսի ատով ու կ’աւարտի ատով. նոր քայլեր պէտք են»,- ըսած է Յարութիւն Սասունեան: Այդ նոր քայլը, ըստ անոր, պէտք է ըլլայ արդարութեան պահանջը: «Արդարութեան պահանջ ըսելով մենք կը հասկնանք ամէն ինչ, ներառեալ` կորսնցուցածի վերականգնման պահանջ. խօսքը Արեւմտեան Հայաստանի, հողային տարածքներու, ապահովագրական գումարներու եւ այլնի մասին է»,- ըսած է Սասունեան:

Յարութ Սասունեան կոչ կ’ուղղէ առաւել համարձակ արտաքին քաղաքականութեան, մասնաւորապէս, կ’ընդգծէ կոշտ դիրքորոշումներու, յստակ ձեւակերպումներու անհրաժեշտութեան մասին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>