ԲՀԿ ՊԱՏԳԱՄԱՒՈՐՆԵՐԸ ՊԱՏՐԱՍՏ ԵՆ ԵԽԽՎ-Ի ՄԷՋ ԻՐԵՆՑ ՏԵՂԸ ՕՍԿԱՆԵԱՆԻՆ ԶԻՋԵԼՈՒ

ՀՀ ազգային ժողովի “Բարգաւաճ Հայաստան” (ԲՀԿ) խմբակցութեան պատգամաւորներ, Եւրոխորհուրդի խորհրդարանական վեհաժողովին մէջ (ԵԽԽՎ) Հայաստանի պատուիրակութեան անդամներ Նայիրա Զոհրապեան եւ Վահէ Յովհաննիսեան պատրաստակամութիւն յայտնած են պատուիրակութեան մէջ իրենց տեղը զիջելու ԲՀԿ պատգամաւոր, Հայաստանի արտաքին գործոց նախկին նախարար Վարդան Օսկանեանին` “Հասկանալով, որ ԵԽԽՎ պատգամաւոր լինելը Եւրոպայի խորհրդի անդամ երկրի պատգամաւորին օժտում է լրացուցիչ որոշ անձեռնմխելիութեամբ”:

Իրենց տարածած յայտարարութեան մէջ երկու խորհրդարանականները կը յայտնեն, որ ԵԽԽՎ-ի բազմաթիւ պատգամաւորներ եւ ղեկավար կազմի անդամներ լրջօրէն մտահոգուած են Վարդան Օսկանեանի գործով եւ իրենց հետ հանդիպումներուն անվերապահ աջակցութիւն յայտնած են “Բարգաւաճ Հայաստան” կուսակցութեան եւ Օսկանեանին: Ըստ անոնց` ԵԽԽՎ-ի բոլոր քաղաքական խումբերուն եւ ազգային պատուիրակութիւններուն տրամադրուած է համապատասխան փաթեթ, տեղեակ պահուած է գործի մանրամասներուն, “որուն, ի դէպ, վերջիններս արդէն իսկ որոշակիօրէն տեղեկացուած էին Հայաստանի մէջ հաւատարմագրուած իրենց դեսպաններէն”:

ԲՀԿ պատգամաւորները նաեւ ստացած են լրջագոյն երաշխիքներ այն մասին, որ այս գործը ԵԽԽՎ-ի ուշադրութեան կեդրոնին է: Զոհրապեանին եւ Յովհաննիսեանին, իրենց իսկ վկայութեամբ, խնդրած են Օսկանեանի գործին հետ կապուած իւրաքանչիւր զարգացման պարագայի գործնական կերպով տեղեկացնելու Վեհաժողովին` խոստանալով նոյնքան գործնական արձագանգ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>