ՔԱՂՑԿԵՂԻ 36 ԱՌ ՀԱՐԻՒՐ ԱՃ՝ ՀԱՅԱՍՏԱՆԻ ՄԷՋ

 Հայաստանի մէջ քաղցկեղով հիւանդներու թիւը տարուէ տարի աճ կ’ապրի: Վերջին տասը տարիներուն քաղցկեղային հիւանդութիւնները հանրապետութեան մէջ 36 տոկոս աճ արձանագրած են: Այս մասին, ըստ Armenpress.am-ի, այսօրուան ասուլիսին ըսած է ուռուցքաբանութեան ազգային կեդրոնի տնօրէնի տեղակալ Գագիկ Պազիգեան, կանանց մէջ ամենայաճախը կը հանդիպի կրծքագեղձի քաղցկեղը, իսկ տղամարդոց մէջ` թոքի քաղցկեղը: “Կանայք պարտադիր գոնէ տարին մէկ անգամ պէտք է օգտուեն անվճար հետազօտութեան հնարաւորութիւնից: Այսօր սոցիալապէս անապահով խաւի համար քաղցկեղի բուժումն իրականացւում է պետպատուերի շրջանակներում”,- նշած է Պազիգեան:

“Հայ-ամերիկեան առողջութեան կեդրոն”-ի ռատիոլոկիայի բաժինի ղեկավար Անի Յակոբեան` կրծքագեղձի քաղցկեղը կանխելու համար կանանց խորհուրդ կու տայ յղիանալ մինչեւ 30 տարեկան, չդիմել վիժումներու, չափէն դուրս չջղայնանալ: «Կանայք պէտք է չվախենան եւ անպատճառ հետազօտութիւն անցնեն, քանի որ քաղցկեղը դեռ մահուան վճիռ չէ»,- ըսաւ ան:

«Հայ-ամերիկեան առողջութեան կեդրոն»-ին մէջ ամէն տարի կը հետազօտուի շուրջ 20.000 կին: Կեդրոնի գործունէութեան 15 տարիներուն ընթացքին կատարուած է 155.732 կրծքագեղձի հետազօտութիւն, որմէ կրծքագեղձի քաղցկեղ ախտորոշուած է 6655 այցելուի մօտ: Մինչ օրս կեդրոնին մէջ հետազօտուած է 614 տղամարդ այցելու` յայտնաբերուած է 23 քաղցկեղի դէպք:
Հոկտեմբերը աշխարհի մէջ յայտարարուած է քաղցկեղի դէմ պայքարի ամիս:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>