ՀԱՅ ԽՈՀԱՐԱՐՆԵՐԸ ՅԱՂԹԱԾ ԵՆ ԽՈՀԱՐԱՐԱԿԱՆ ՈՂԻՄՊԻԱԿԱՆԻՆ

Գերմանիոյ Էրֆուրդ քաղաքին մէջ Հոկտեմբեր 5-10 կայացած է խոհարարական արուեստի ողիմպիականը, ուր յաղթող ճանչցուած են մոսկուայաբնակ Վերա եւ Ռենա Յովհաննիսեան քոյրերը: Այս մասին կը հաղորդէ News.am-ը: Ողիմպիականը տեղի կ’ունենայ չորս տարին մէկ անգամ, եւ անոր կը մասնակցին հարիւրաւոր խոհարարներ տարբեր երկիրներէ:

Բազմակի ախոյեան Վերա Յովհաննիսեան եւ Ռենա Յովհաննիսեան առաջին անգամ մասնակցած են Հայաստանի դրօշի տակ եւ յաղթանակ տարած հրուշակեղէնի պատրաստման անուանակարգին մէջ` ներկայացնելով «սառոյցէ դարաշրջան» մանկական շարժանկարի հերոսներու տեսքով պատրաստուած քաղցրաւենիք:

Նշենք, որ Վերա Յովհաննիսեան 2010-ին Ռուսաստանի կողմէ մասնակցած է Լիւքսեմպուրկի մէջ կայացած աշխարհի բաժակին, 2011-ին` Մալթայի մէջ կայացած միջազգային մրցոյթին եւ մշտապէս արժանացած է ոսկէ մետալներու: 2011-ին Վերա Յովհաննիսեան դարձած էր հայ խոհարարներու միութեան անդամ` «Աւագ խոհարար», եւ խոստացած էր այսուհետեւ իր խոհարարական գլուխգործոցները ներկայացնել Հայաստանի դրօշին տակ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button