ՀԱՆՐԱՅԻՆ ԾԱՌԱՅՈՒԹԻՒՆՆԵՐՈՒ ՈԼՈՐՏԷՆ ՆԵՐՍ ՕՐԷՆՍԴՐԱԿԱՆ ԲԱՐԵԼԱՒՈՒՄՆԵՐ

 ՀՀ վարչապետ Տիգրան Սարգսեանի գլխաւորութեամբ կառավարութեան մէջ տեղի ունեցած է Հայաստանի տնտեսական ոլորտը կարգաւորող իրաւական ակտերու բարեփոխումներու խորհուրդի նիստ: Այս մասին կը հաղորդէ ՀՀ կառավարութեան տեղեկատուական եւ հասարակայնութեան հետ կապերու վարչութիւնը:

ՀՀ կառավարութեան աշխատակազմի Օրէնսդրութեան կարգաւորման ազգային կեդրոն ծրագիրներու իրականացման կեդրոն պետական հիմնարկի տնօրէնի պաշտօնակատար Արմէն Եղիազարեան ներկայացուցած է հանրային ծառայութիւններու ոլորտին առնչուող առաջարկներու փաթեթը` հեռահաղորդակցութեան եւ ուժանիւթի բնագաւառներու վերաբերեալ:

Առաջարկները ուղղուած են ՀՀ հանրային ծառայութիւնները կարգաւորող յանձնաժողովի (ՀԾԿՅ) կողմէ կարգաւորուող արտօնագրման գործընթացի, ուժանիւթի միացման ժամկէտներու, ՀԾԿՅ-ի որոշումներու եւ այլ ընթացակարգերու պարզեցման ու նուազեցման, որոնք կը սահմանեն գործարարութեան եւ քաղաքացիին առնչուող շարք մը այլ հարցեր:

Իրաւական ակտերու փաթեթը կազմուած է հաշուի առնելով նաեւ միջազգային փորձը: Փաթեթին ընդունումով ուժը կորսնցուցած պիտի ճանչցուին եւ պիտի բարելաւուին շարք մը իրաւական ակտեր:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button