ՀԱՍՏԱՏՈՒԵՑԱՒ ԼՂՀ ԿԱՌԱՎԱՐՈՒԹԵԱՆ ՆՈՐ ԾՐԱԳԻՐԸ

ԼՂՀ կառավարութեան այսօր կայացած նիստին գործադիրի հաւանութեան արժանացաւ կառավարութեան նոր ծրագիրը, որ ներկայացուցած է կառավարութեան աշխատակազմի ղեկավար Լեւոն Գրիգորեան:

Ան ընդգծած է, որ կառավարութեան ջանքերը ուղղուած պիտի ըլլան, մէկ կողմէ` կայուն տնտեսական աճի ապահովման, միւս կողմէ` հասարակական արդարութեան հաստատման լայնածաւալ ծրագիրներու իրականացման, կը տեղեկացնէ կառավարութեան տեղեկատւութեան եւ հասարակայնութեան հետ կապերուն բաժինը:

Կառավարութիւնը առաջարկուող ծրագիրի իրականացմամբ 2012-2017 թուականներուն կը նպատակադրէ ապահովել` համախառն ներքին արդիւնքի տարեկան 9-11 տոկոս իրական աճ, ներդրումներուն ծաւալի 10-15 տոկոս միջին տարեկան աճ, ներմուծման նկատմամբ արտահանման աճի առաջանցիկ շարժ, հինգ հազարէ աւելի նոր աշխատատեղերու ստեղծում, նուազագոյն աշխատավարձի առնուազն կրկնապատկում, գիւղատնտեսութեան համախառն արտադրանքի 12-15 տոկոս միջին տարեկան աճ, ելեկտրական ուժանիւթի արտադրութեան տարեկան ծաւալի աւելի քան երեք անգամ աճ` զայն հասցնելով 380-400 միլիոն ք ուաթ/ժամի, միջին կենսաթոշակի չափի կրկնապատկում:

Իր հերթին վարչապետը նշած է, որ ծրագիրը նախորդի տարմաբանական շարունակութիւնն է, նպատակ կը հետապնդուի զարգացնելու անցած տարիներուն ձեռքբերումները եւ ապահովելու, նախեւառաջ, համախառն ներքին արդիւնքի նախատեսուող ցուցանիշը: Վարչապետի խօսքով` հանրապետութեան մէջ տնտեսական աճը մեծապէս կ’ապահովուի գիւղատնտեսութեան, հանքարդիւնաբերութեան եւ ուժանիւթի բնագաւառներու հաշւուն: Առանձնայատուկ նշուած է, որ կը վերանայուի հարկային քաղաքականութիւնը հանքարդիւնաբերութեան մէջ այն նպատակով, որ Արցախի ընդերքի շահագործումէն աւելի շատ մուտքեր ուղղուին պետական պիւտճէ: ՙՏնտեսական աճի համար պատասխանատու ենք բոլորս: Պէտք է պարբերաբար հանրութեանը հաշուետւութիւն տալ ծրագրում ներառուած իւրաքանչիւր նախադասութեան համար՚,-յայտարարած է Ա. Յարութիւնեանը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>