Ցմահ Ազատազրկուածներու Թիւով Հայաստան Եւրոպայի Մէջ Առաջնակարգ է

Եւրոպայի մէջ Հայաստան առաջնակարգ է ցմահ ազատազրկուածներուն թիւով, այս մասին այսօր լրագրողներուն հետ հանդիպման ըսաւ Հայաստանի Հելսինքեան կոմիտէի իրաւաբան Ռոպերթ Ռեւազեան եւ ներկայացուց ճշգրիտ տուեալներ:

   Այսպէս. եթէ 3 միլիոն բնակչութիւն ունեցող Հայաստանը ունի 105 ցմահ ազատազրկուած, ապա մօտ 1.3 միլիոն բնակչութիւն ունեցոսղ էսթոնիան` 36, իսկ Սլովաքիան` 26: 16, 5 միլիոն բնակչութիւն ունեցող Հոլանտան ունի 120, 9.5 միլիոնանոց Շուէտը` 170, 38 միլիոնանոց Լեհաստանը` 200, իսկ 67 միլիոն բնակչութիւն ունեցող Ֆրանսան` 550 դատապարտեալ:

  Ռոպերտ Ռեւազեանը բացատրեց, որ այս թիւը ստացուած է արհեստականօրէն` ի հեճուկս Հայաստանի Սահմանադրութեան, այլ օրէնքներու ու Սթրազուրկի մարդու իրաւունքներու դատարանի նախադէպերուն:

Հարցը այն է, որ երբ 2003–ին Հայաստանի մէջ վերացուեցաւ մահապատիժը, ՀՀ նախագահի հրամանագրով մահապատիժի դատապարտուած 40 ամբաստանեալներուն պատիժը փոխարինուեցաւ ցմահ բանտարկութեամբ:

«Երբ իրաւաբանական տեսանկիւնից ենք նայում` նախագահի հրամանագրով սահմանուեց պատիժ, որը դատարանի բացառիկ իրաւասութիւնն է: Եւ հետայդու այդ անձինք սկսեցին իրենց պատիժը կրել նախագահի հրամանագրի հիման վրայ՚,- ըսաւ իրաւաբանը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button