Օդանաւը Արտակարգ Վայրէջք Կատարած է` Երեխան Լոյս Աշխարհ Գալու Համար

 Սիմֆերոփոլ-Մոսկուա թռիչքը իրականացնող օդանաւը Հոկտեմբեր 8-ի երեկոյեան Խարքովի մէջ արտակարգ վայրէջք կատարած է ուղեւորուհիներէն մէկուն ծննդաբերութիւնը սկսուելու պատճառով: Երեխան ծնած է 10 հազար մեթր բարձրութեան վրայ։

Յղութեան 7-րդ ամսուն գտնուող կինը թռիչքի ընթացքին ծննդաբերական ցաւեր ունեցած է, եւ օդանաւի անձնակազմի ղեկավար Ալեքսանդր Կուլակով որոշած է վայրէջք կատարել:

Մոսկուայի 29-ամեայ բնակչուհի Անաստասիա Կոզլովան արդէն երեք երեխաներու մայր է, ծնունդը ընդունած են ուղեկցորդուհի Մարինա Սերեբրեակովան եւ ուղեւորներու մէջ գտնուող բուժքոյր Սոֆիա Կովալեովան: Ծնած աղջիկը անուանած են Վարվարա:

Մի քանի վայրկեան անց բուժքոյրը նկատած է, որ երեխան չի շնչեր: Ան արհեստական շնչառութիւն կատարած է անոր, ապա աղջիկը շարժած է եւ թոյլ բղաւած:

Ինչպէս կը յայտնէ «utro.ru՚-ն, նորածնի պորտալարը կտրած են Խարքովէն ժամանած բժիշկները: Աղջկայ կշիռքը 1,5 քկ   է: Նորածինը վաղաժամ ծնած է:

Այժմ Վարվարան մօր հետ կը գտնուի Խարքովի հինգերորդ ծննդատան մէջ: Բժիշկները մօր վիճակը բաւարար կը գնահատեն, իսկ աղջկայ վերաբերեալ հարցերուն չեն պատասխաներ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>