Կը Մեկնարկէ «PANARMENIAN EXPO–2012» Միջազգային Ցուցահանդէսը

Հայաստանի առեւտրաարդիւնաբերական պալատը եւ «Փրոմ Էքսփօ» ընկերութիւնը Հոկտեմբեր 12-14-ին Կ.Տէմիրճեանի անուան Մարզահամերգային համալիրին մէջ կը կազմակերպեն Համահայկական 4-րդ միջազգային բազմաբնոյթ ցուցահանդէսը, որուն բացման արարողութիւնը կը կայանայ Հոկտեմբեր 12–ին, ժամը 13–ին:

ՀՀ առեւտրաարդիւնաբերական պալատի լրատուական ծառայութենէն կը յայտնեն, որ ցուցահանդէսին նպատակն է ամրապնդել հայրենական արտադրանքի եւ ծառայութիւններու վստահութիւնը հայկական շուկային մէջ եւ նոր գործնական կապեր ստեղծել:

Ցուցահանդէսին նպատակներէն է նաեւ խթանել հայրենական արտադրողները արտահանման հարցով` ստեղծելով աշխոյժ գործնական միջավայր ցուցահանդէսի ընթացքին, հրաւիրելով արտերկրէն գործարարներ:

Ցուցահանդէսի այցելուներուն կը ներկայացուին նաեւ ներմուծուած ապրանքատեսակներ:

Ցուցահանդէսը լաւ հնարաւորութիւն կու տայ նաեւ ներդրողներուն ուսումնասիրութիւններ կատարելու հայաստանեան շուկային մէջ, բանակցելու արտադրողներու հետ նոր ներդրումային ծրագիրներու շուրջ:

Ցուցահանդէսը տեղակայուած է մօտ 3500 քմ.-ի վրայ:

Թեմատիկ բաժիններն են` առողջապահութիւն, ապահովագրութիւն արդիւնաբերութիւն, առեւտրային կազմակերպութիւններ, դրամատուներ եւ վարկային կազմակերպութիւններ, բեռնափոխադրում, գիւղատնտեսութիւն, զբօսաշրջութիւն, նորարարական եւ տեղեկատուական արհեստագիտութիւն, իրաւախորհրդատուական ծառայութիւն, կանաչապատում եւ ձեւաւորում, կահոյք եւ կենցաղային սարքեր, շինարարութիւն ու շինարարական արհեստագիտութիւններ եւ սնունդի արդիւնաբերութիւն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL