Ակադեմիական Պարտքի Պատճառով 1324 Ուսանող Դուրս Մնացած է Համալսարաններէն

0
27

 2011-2012 ուսումնական տարին ակադեմիական պարտքի պատճառով 1324 ուսանող դուրս մնացած է համալսարաններէն: Այս մասին, ըստ Panorama.am-ի, այսօր ՀՀ կառավարութեան նիստին յաջորդած ճեպազրոյցի ընթացքին ըսած է կրթութեան եւ գիտութեան նախարար Արմէն Աշոտեան:

Ան նշած է, որ 1324 ուսանողներէն 130-ը կամ 10 %-ը համալսարաններէն դուրս մնացած են վարձավճարը չտալու պատճառով, իսկ մնացեալը` ակադեմիական պարտքի, մասնաւորապէս, վատ սորվելու, ծրագիրը չիւրացնելու իբրեւ արդիւնք: «Սա նշանակում է, որ բուհ ընդունուելը պէտք է լինի հեշտ, իսկ սովորելը եւ աւարտելը` դժուար”,- ըսած է ԿԳ նախարարը:

Նախարարին խօսքով` համալսարաններէն դուրս մնացած ուսանողները կրնան վերականգնուիլ 2013 Յունուարէն:

LEAVE A REPLY

Please enter your comment!
Please enter your name here