Սէյրան Օհանեան Պրիւքսէլի Մէջ Հանդիպած է ԵՄ Պաշտօնեաներու Հետ

Պաշտօնական այցով Պրիւքսէլ մեկնած ՀՀ պաշտպանութեան նախարար Սէյրան Օհանեան Հոկտեմբեր 9-ին հանդիպում ունեցած է Եւրոպական միութեան պաշտօնեաներու հետ: Այս մասին կը հաղորդէ ՀՀ պաշտպանութեան նախարարութեան տեղեկատւութեան եւ հասարակայնութեան հետ կապերու վարչութիւնը:

Հանդիպման ընթացքին քննարկուած են տարածաշրջանային անվտանգութեան եւ պաշտպանութեան բնագաւառին մէջ ԵՄ-Հայաստան համատեղ ծրագիրներու եւ համագործակցութեան իրականացման հեռանկարները:

Հոկտեմբեր 10-ին Ս. Օհանեան ՆԱԹՕ-ի կեդրոնակայանին մէջ կը մասնակցի ՆԱԹՕ-ի գլխաւորութեամբ Աֆղանիստանի եւ Քոսովոյի մէջ իրականացուող գործողութիւններուն մասնակցող երկիրներու ձեւաչափով պաշտպանութեան նախարարներու հանդիպման, ինչպէս նաեւ Գերմանիոյ պաշտպանութեան նախարարի կազմակերպած Աֆղանիստանի մէջ Հիւսիսային հրամանատարութեան տակ ուժեր տեղակայած երկիրներու պաշտպանութեան նախարարներու քննարկումներուն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button