Հունգարացի Մտաւորականները` Գուրգէն Մարգարեանի Շիրիմին Մօտ` Հայ Ազգէն Ներողութիւն Խնդրեցին

 Հունգարիայէն ժամանած չորս մտաւորական Հոկտեմբեր 10-ին այցելեցին եռաբլուր` յարգանքի տուրք մատուցելու հայ սպայ Գուրգէն Մարգարեանի յիշատակին, ինչպէս նաեւ անոր շիրիմին մօտ` հունգարացի ժողովուրդին անունով` հայ ժողովուրդէն ներողութիւն խնդրելու: Այս մասին կը հաղորդէ Armenpress.am-ը:

“Մենք այստեղ եկած ենք ամօթի զգացումէն դրդուած: Ես կ’ուզեմ ձեզմէ ներողութիւն խնդրել, ներողութիւն, ներողութիւն»,- ըսած է հունգարիոյ Ճոն Ուելսի անուան Աստուածաբանական քոլէճի տնօրէն Կապոր Իւանյի: Ան հունգարացի ժողովուրդին անունով` կատարուածի համար` իր խորին վշտակցութիւնը յայտնած է Գուրգէն Մարգարեանի ծնողներուն:

Գրող, հրապարակախօս Զօրի Բալայեան, իր հերթին ընդգծած է, որ հայ ազգը երբեք չի մոռնար այն, ինչ տեղի ունեցաւ 2004 եւ 2012 թուականներուն` եւս մէկ անգամ վերահաստատելով Լեռնային Ղարաբաղի` Ատրպէյճանի կազմին մէջ ըլլալու անհնարինութիւնը:

Գուրգէն Մարգարեանի յիշատակին յարգանքի տուրք մատուցելու գացած էին նաեւ Հայաստանի տարբեր ռազմական ուսումնարաններու ուսանողներ, ազատամարտիկներ, որոնք կը կրէին արդարութիւնը վերականգնելու կոչերով պաստառներ:

Յիշեցնենք, որ 19 Փետրուարի 2004-ին Պուտափեշտի մէջ ատրպէյճանցի ոճրագործ սպայ Ռամիլ Սաֆարովը կացինահարեց Հայաստանի ԶՈւ սպայ Գուրգէն Մարգարեանը` քնացած ժամանակ: Սպաները Հունգարիոյ մայրաքաղաքին մէջ կը մասնակցէին անգլերէնի դասընթացներուն` ՆԱԹՕ-ի ծրագիրին ծիրէն ներս: Հունգարիոյ դատարանը դատապարտեց Ռամիլ Սաֆարովը ցմահ բանտարկութեան` առաջին 30 տարիներուն առանց ներման իրաւունքի: 31 Օգոստոս 2012-ին, սակայն, Հունգարիոյ իշխանութիւնները որոշում կայացուցին Սաֆարովը Ատրպէյճանին արտայանձնելու: Ատրպէյճան արտայանձնուելէ ետք ոճրագործը արժանացաւ նախագահ Իլհամ Ալիեւի ներման, անոր շնորհեցին հարիւրապետի կոչում, ապահովեցին բնակարանով, անձնագիրով եւ հերոսացուցին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>