Հալէպի Մէջ Հայ Երիտասարդ Մը Զոհուած է Դիպուկահարի Կրակոցէն

 Հալէպի ալ Արքուպ շրջանին մէջ այսօր զոհուած է հայ երիտասարդ մը` ազատ բանակի դիպուկահարի արձակած կրակոցէն: Այս մասին, ըստ Armenpress.am-ի, տեղեկացուցած է Հալէպի Ազգային առաջնորդարանի մամուլի խօսնակ Ժիրայր Ռէյիսեան` աւելցնելով, որ զոհուածը, նախնական տուեալներով, Մինաս Սազեանն է:

Ռէյիսեան նաեւ նշած է, որ հայ երիտաարդդին հետ զոհուած է նաեւ անոր ընկերը, որ հայ չէ:

Հալէպի Արքուպ շրջանը բնակելի թաղամաս չէ, անիկա աւելի շատ յայտնի է իր աշխատանքային վայրերով, ուր կան նաեւ բազմաթիւ հայապատկան հաստատութիւններ:

Ինչ կը վերաբերի Հալէպի ընդհանուր իրավիճակին` կեդրոնական, ինչպէս նաեւ հայաշատ թաղամասերուն մէջ, Ռէյիսեանի տեղեկացմամբ, համեմատաբար հանգիստ է: Հալէպի (Սուրիա) Նոր Գիւղի հայ բնակիչները, որոնք իրենց բնակարանները լքած եւ հեռացած էին, այսօր արդէն կը վերադառնան:Այս մասին կը հաղորդէ Բերիոյ թեմի պաշտօնական կայքը:

Բնակիչները կը վերադառնան իրենց տուները դատարկ չձգելու համար, յատկապէս երբ կը վստահին շրջանի ակումբի հայ տղոց, որոնք ամէն օր կը հսկեն շրջանը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button