Վրաստանի Կառավարութիւնը Հրաժարական Տուած է

Վրաստանի նախագահ Միխայիլ Սահակաշվիլի ընդունած է երկրի կառավարութեան հրաժարականը: Այս մասին հաղորդագրութիւնը, ըստ «ՌԻԱ Նովըսթի»-ի, այսօր հրապարակուած է պետութեան ղեկավարի պաշտօնական կայքին մէջ:

«Վրաստանի նախագահ Միխայիլ Սահակաշվիլիի յանձնարարականով բաւարարուած է հրաժարականի մասին կառավարութեան միջնորդագիրը: Վրաստանի կառավարութեան նոր կազմը նոր գումարման խորհրդարանին պիտի ներկայացուի Սահմանադրութեամբ սահմանուած ժամանակին»,- նշուած է յայտարարութեան մէջ:

Յիշեցնենք, որ Հոկտեմբեր 1-ին Վրաստանի մէջ կայացած խորհրդարանական ընտրութիւններուն յաղթած էր Բիձինա Իւանիշվիլիի ընդդիմադիր «Վրացական երազանք» միախառն դաշինքը, որ պիտի ձեւաւորէ նոր կառավարութիւն: Հոկտեմբեր 8-ին ան ներկայացուցած էր կառավարութեան հիմնական կազմը, որ պիտի հաստատուի խորհրդարանի առաջին նիստին` Հոկտեմբեր 20-21: Մինչ այդ գործող կառավարութիւնը պարտականութիւները պիտի կատարէ յաղթած դաշինքին վերահսկողութեամբ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button