Հայաստանի Մէջ Տեսողութեան Համաշխարհային Օրը Նուիրուած է Մանկական Կուրութեան Կանխարգելման

Այսօր Տեսողութեան համաշխարհային օրն է: Ամէն տարի աշխարհի շուրջ 100 երկիր մէջ Հոկտեմբերի երկրորդ Հինգշաբթին կ’անցնի տարբեր ձեռնարկներով` նուիրուած Տեսողութեան համաշխարհային օրուան:

ՀՀ առողջապահութեան նախարարութեան փոխանցմամբ, օրուան խորհուրդն է բարձրաձայնել տեսողութեան խանգարումներով եւ կուրութեամբ տառապող անձերու հիմնախնդիրները` հանրութեան ուշադրութիւնը սեւեռելով կուրութեան, տեսողութեան խանգարման եւ տկար տեսողութեան վերականգնման հարցերուն:

Տարբեր ընկերութիւններ եւ հասարակական կազմակերպութիւններ, համագործակցելով Առողջապահութեան համաշխարհային կազմակերպութեան եւ Կուրութեան կանխարգելման միջազգային գործակալութեան հետ, կ’աջակցին կուրութեան եւ տեսողութեան խանգարումներու` իբրեւ միջազգային հանրային առողջապահական խնդիրի, հանրային իրազեկուածութեան բարձրացման:

Առողջապահութեան համաշխարհային կազմակերպութեան տուեալներուն համաձայն` աշխարհի մէջ բնակչութիւնը կը ծերանայ, եւ տեսողութեան քրոնիկական խանգարումները կը յանգեցնեն կուրութեան տարածուածութեան բարձրացման: Սակայն, կուրութեան յանգեցնող տարիքային բազմաթիւ փոփոխութիւններ կարելի է վերացնել: Ժամանակին միջամտութիւնը յաճախ կրնայ յետաձգել կամ նուազեցնել այդ գործօններուն ազդեցութիւնը տեսողութեան վրայ:

Այս տարի Տեսողութեան համաշխարհային օրը Հայաստանի մէջ նուիրուած է մանկական կուրութեան կանխարգելման: Անիկա կը մեկնարկէ Հոկտեմբեր 11-ին եւ կը նշուի ձեռնարկներու շարքով, որուն նախաձեռնողն է Հայկական ակնաբուժութեան նախագիծը` առողջապահութեան նախարարութեան, ԱՄՆ միջազգային զարգացման գործակալութեան, ինչպէս նաեւ այլ գործընկերներու աջակցութեամբ: Հայկական ակնաբուժութեան նախագիծի ձեռնարկներու թեման մանկական կուրութեան կանխարգելումն է` “Լոյս մանուկներու աչքերուն” խորագիրով: Անիկա առանձնապէս կարեւոր կը համարուի Հայաստանի մէջ “ԱՄՆ ՄԶԳ/ՀԱՆ Մանկական կուրութեան կանխարգելման գերազանցութեան կեդրոն” ծրագիրին մեկնարկով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>