Պոլսոյ Պատրիարքարանը Այլեւս Պիտի Չօրհնէ Խառն Ամուսնութիւնները

Պոլսոյ հայոց պատրիարքարանը այսուհետեւ պիտի չօրհնէ խառն ամուսնութիւնները: Այս մասին կը յայտնէ Tert.am-ը` վկայակոչելով Hurriyet daily news-ը: Ըստ աղբիւրին` հայը եւ այլազգը կամ այլադաւանը չեն կրնար ամուսնանալ հայկական եկեղեցւոյ մէջ:

Նման ամուսնութիւնները եկեղեցւոյ մէջ իրականացնելու արտօնութիւն 2000-ին տուած էր Պոլսոյ հայոց պատրիարք Մեսրոպ Մութաֆեան: Նախապէս պատրիարքարանը ունեցած է խառն ամուսնութիւնը արգիլող օրէնք:
«Մենք միայն գործի կը դնենք մեր եկեղեցւոյ մէջ արդէն գոյութիւն ունեցող օրէնքը»,-պարբերականին ըսած է պատրիարքի փոխանորդ Արամ Աթէշեան:

Նոր կարգաւորումը ուժի մէջ մտած է Հոկտեմբեր 1-ին:

Խառն ամուսնութիւններ իրականացուցած մարդիկ, ինչպէս նաեւ համայնքի այն ներկայացուցիչները, որոնք հայերու հետ չեն նշանուած, մասամբ կը սատարեն, ոմանք ալ խիստ կը քննադատեն նոր որոշումը:

36-ամեայ Մուրատ Գասպարը, որ «Տունեա» պարբերականի խմբագիրն է, անցեալ ամիս ամուսնացած է թուրքի հետ, կը նշէ, որ եկեղեցւոյ որոշումը կապուած է հայ համայնքի եւ անոր աւանդոյթները պահպանելու ցանկութեամբ, քանի որ համայնքը աստիճանաբար կը փոքրանայ:

«Ես չեմ կարծեր, որ այդ որոշումը ճիշդ է: Եկեղեցական արարողութեամբ ամուսնանալը աւանդոյթ է: Եթէ զոյգերը կ‘ամուսնանան` յարգելով իրարու հաւատալիքները, ուրեմն անոնց կարելի չէ արգիլել: Ես դէմ եմ պահպանողականութեան»,- ըսած է ան:

Հայ համայնքի յայտնի անդամներէն Զաքարեա Միլտանօղլու 35 տարի առաջ ամուսնացած է թուրքի հետ: «Մենք ծայրայեղ դժուարութիւններու միջէն անցած ենք: Թէեւ կինս կրօնափոխ եղած է, սակայն մեր երեխաները կնքուած չեն»,- ըսած է ան:

28-ամեայ Անահիտը համաձայն է պատրիարքարանի որոշման հետ:

«Հայ եկեղեցւոյ օրէնքները պէտք է յարգուին: Պատրիարքարանը նոր փորձ չի կիրառեր, այլ կ’օգտագործէ արդէն գոյութիւն ունեցողը: Խառն ամուսնութիւնները լրջօրէն աճած են: Մշակոյթը, աւանդոյթները եւ համայնքը պէտք է պահպանուին»,- ըսած է ան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL