Հայաստանը եւ Հայերը` Ատրպէյճանի Կառավարութեան Աղտոտ Քարոզարշաւներու Զոհ. “Herald Online”

Հայ-ատրպէյճանական յարաբերութիւններուն վերաբերեալ “Herald online” պարբերականը, ըստ Panorama.am-ի, տպագրած է յօդուած մը, ուր կը նշուի. “Ատրպէյճանը երկիր մըն է, որ հակառակ այն հանգամանքին, որ ԱՄՆ-ի արեւմուտքը չունի համայնք կամ տնտեսական շահ, բայց քանի մը տարի առաջ Լոս Անճելըսի մէջ հիւպատոսութիւն բացած է` ամերիկահայերու դէմ պատերազմ մղելու համար: Հայաստանը եւ հայերը Խորհրդային Միութեան փլուզումէն ի վեր դարձած են Ատրպէյճանի կառավարութեան աղտոտ քարոզարշաւներուն զոհը: Քարիւղով հարուստ Ատրպէյճանը կը փորձէ խոչընդոտել արցախցիներուն անկախութիւն հռչակելը. ան կը փորձէ իր զօրքով եւ ռազմական օդանաւերով սպառնալ արցախցիներուն: Վերջին տարիներուն, ասիկա դարձած է յայտնի օրինակ. մարդիկ իրենք կ’որոշեն իրենց ճակատագիրը եւ կ’անտեսեն բռնապետերը, որոնք կը պատուիրեն դպրոցականներու եւ մեծահասակներու դաժան սպանութիւններ”,-նշուած է յօդուածին մէջ:

Ըստ յօդուածին` արցախցիները սուղ վճարած են իրենց անկախութեան համար, սակայն իրաւունք ձեռք ձգած են ընտրելու իրենց սեփական ժողովրդավարական հիմնարկները եւ իրենց երեխաները կրթելու ազատ երկրի մէջ: “Արցախի մէջ բնակող, ապրող եւ յաջողութիւններու հասած սերունդը այսօր 21 տարեկան է եւ չէ տեսած Խորհրդային Ատրպէյճանի գրաւումը: Եւ այս սերունդը երբեք չի հանդուրժեր ապրիլ Ատրպէյճանի տիրապետութեան տակ, երկրի մը, որ ունի բռնապետական ժառանգական վարչաձեւ, զզուելի ճառեր եւ գարշելի ռասիզմ: ԵԱՀԿ Մինսկի խումբի` Ֆրանսայի, Ռուսաստանի եւ ԱՄՆ-ի միջնորդութիւնը ԼՂ հարցով բանակցութիւններուն մէջ դեռ բեկումնային լուծման չէ յանգած, սակայն կարելի է միանշանակ ըսել, որ ատիկա տեղի չէ ունեցած Ատրպէյճանի պատճառով: ԵԱՀԿ Մինսկի խումբին կողմէ ներկայացուած փոխզիջումնային տարբերակը ընդունելի է Հայաստանի կողմէ, մինչդեռ Ատրպէյճան կը հրաժարի զայն ընդունիլ, անգամ քանի մը փոփոխութիւններու պարագային: Ատրպէյճան պէտք է փորձէ յաղթահարել պաթոլոկիական ամբարտաւանութիւնը եւ հասկնայ, որ ան պիտի կանգնի ողջ աշխարհով մէկ տարածուած հայերու սպառնալիքներուն առջեւ”,- նշուած է յօդուածին մէջ:

“Herald online”-ի համաձայն` Ատրպէյճանի կառավարութիւնը Հայաստանի նկատմամբ իր գերակայութիւնը կը տեսնէ, քանի որ հարուստ է քարիւղով: “Քարիւղը իւրաքանչիւր պետութեան համար օրհնանք է: Սակայն Ատրպէյճանի համար ատիկա անէծք է: Իսկ այդ միջոցները միայնակ կը կառավարէ Ալիեւներու թագաւորութիւնը: Պատերազմը ոչ մէկուն շահէն կը բխի: Ատրպէյճանին պէտք չէ կուրցնէ ատելութեամբ լի ճառերն ու ռասիզմը: Ատրպէյճանցիները պէտք չէ ընդունին իրենց կառավարութեան ռազամատենչ գործողութիւնները, կառավարութիւն, որ կը փառաբանէ մարդասպանը”,- նշուած է “Herald online”-ի յօդուածին մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>