ԵԽԽՎ Հայաստանի Հարցերով Համազեկուցողը Օսկանեանի Գործին Առնչութեամբ Մտահոգութիւն Յայտնած է

ԵԽԽՎ Հայաստանի հարցով համակարգման համազեկուցող Աքսել Ֆիշըր մտահոգութիւն յայտնած է ՀՀ արտաքին գործոց նախկին նախարար Վարդան Օսկանեանի նկատմամբ առաջադրուած «վիճահարոյց» քրէական մեղադրանքի եւ պատգամաւորական անձեռնմխելութենէ զրկելու առնչութեամբ:

Այս մասին յայտարարութիւնը տեղադրուած է ԵԽԽՎ պաշտօնական կայքինմէջ:

«Ասիկա առաւել մտահոգիչ է այն պարագային, որ առաջադրուած մեղադրանքներուն հարցով, պնդումներուն համաձայն, դերակատարութիւն ունեցած են քաղաքական շարժառիթները»,- ընդգծած է Ֆիշըր, որուն յայտարարութեան մէջ նշուած է, որ եթէ պնդումները հիմնաւոր են1` ասիկա կը նշանակէ յետքայլ վերջին մէկ ու կէս տարուան մէջ քաղաքական կարգաւորման գործընթացներու արձանագրուած դրական միտումներէն:

«Այդ իսկ պատճառով ես դիմած եմ Ազգային Ժողովի խօսնակին` պարզաբանելու առաջադրուած մեղադրանքները, ինչպէս նաեւ այն հիմքերը, որոնցմով խորհրդարանը համաձայնութիւն տուած է զրկելու Վարդան Օսկանեանը անձեռնմխելիութենէ»,- ըսուած է Ֆիշըրի յայտարարութեան մէջ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL