ՍՈՒՐԻԱ ԵԼԵԿՏՐԱԿԱՆՈՒԹԻՒՆ ԳՆԵԼԸ ԴԱԴՐԵՑՈՒՑԱԾ Է ԹՈՒՐՔԻԱՅԷՆ

Թուրքիոյ ուժանիւթի եւ բնական պաշարներու նախարար Թաներ Եըլտըզ յայտարարած է, թէ Սուրիան մէկ շաբաթ առաջ Թուրքիայէն ելեկտրականութիւն գնելը դադրեցուցած է: Այս մասին կը հաղորդէ News.am-ը վկայակոչելով թրքական Anadolu գործակալութիւնը:

Թուրքիոյ ուժանիւթի համաժողովին ժամանակ լրագրողները Թուրքիոյ ուժանիւթի եւ բնական պաշարներու նախարար Թաներ Եըլտըզէն հետաքրքրուած են տարածաշրջանային վերջին իրադարձութիւններու ծիրէն ներս ի՞նչ իրավիճակ կը տիրէ ուժանիւթի համագործակցութեան ոլորտին մէջ:

Թաներ Եըլտըզ պատասխանած է, թէ անկախ տարածաշրջանի զարգացումներէն, ուժանիւթի ոլորտին մէջ առկայ համագործակցութիւնները կը շարունակուին` շեշտելով, որ իրանական եւ ատրպէյճանական կազի մատակարարումը դէպի Թուրքիա նախորդ օրը դադրեցուած էր, սակայն ռուսական կողմը չէր մերժած թրքական կողմի խնդրանքը եւ կազի առաքումը 1,5 անգամով աւելցուցած էր:

Թուրք նախարարը, անդրադառնալով Սուրիոյ հետ խնդրին, նշած է, թէ Սուրիան մէկ շաբաթ առաջ դադրեցուցած է ելեկտրականութիւն գնելը, սակայն պահանջի պարագային Թուրքիան կը վերսկսի ելեկտրականութիւն մատակարարել Սուրիոյ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL